كتبت//مرفت عبدالقادر احمد
اتكلم أجدادنا في مصر القديمة عن البرد و سموا الفترة دي ب ” أربعينية الشتاء ” وهكتبهالكم بالتاريخ الميلادي عشان تعرفوها .
40 ليلة من 25 ديسمبر الى 2 فبراير ، متقسمين إلى 20 ليلة بيض و 20 ليلة سود .
إلي 20 ليلة البيض متقسمين إلي 10 ليالي كوالح من 25 ديسمبر الي 3 يناير ، و 10 ليالي طوالح من 4 يناير ل 13 يناير ، أما الى 20 ليلة السود متقسمين إلى 10 ليالي موالح
من 14 يناير إلي 23 يناير ، و الصوالح من 24 يناير إلي 2 فبراير .
” في الليالي السود يفتح كل عود ” جدودنا كانوا بيحبوا الليالي السود لان الدولة زراعية و دي الفترة اللي بتثبت فيها جذور الزرع في الأرض و يبدأ ينبت .
بعدين بيجي 10 ليالي اسمهم ” العزازة ” من 2 فبراير إلي 11 فبراير الجو بيتقلب ما بين البرد و الدفا ، و بعدين 3 ليالي اسمهم ” قرة ” برد قارص و آخرهم 14 فبراير و بكده ينتهي موسم البرد تماماً.
