البسكوت الاقتصادي بدون بيض أو سمن
مطبخ الصوت
المكونات
نصف كوب زيت
نصف كوب عصير برتقال
نصف كوب سكر بودره
نصف ملعقة صغيرة فانيليا
ملعقة صغيرة بيكنج بودر
نصف كيلو دقيق مش هنستخدمه كله
رشه ملح
الطريقة
نضرب السكر والزيت مع بعض بالمضرب اليدوى
وبعدين نضيف العصير والفانليا ونضرب الكل بالمضرب
وننخل الدقيق مع رشه الملح والبيكنج بودر وننزل بيه شويه شويه ونلم العجينه بالراحة دون عجن وحطى تحت دون عجن الف خط بنلم العجينه بس ونقلب لحد ما تبقى عجينه لينه وطريه و مش بتلذق فى الايد وتبقى طريه شويه نغطيها ونسبها ترتاح عشر دقايق
تشكل فى مكنه البسكوت ولو مش متوافره اعمليها بالقطاعات بتبقى روووووووعة بردو نفردها على رشه دقيق خفيفه وتكون رقيقه علشان بيزيد في الفرن ونقطع بالاشكال اللى حبينها ونخرمها من النص بالشوكه
يرص في صينيه مدهونه زيت او مفروشه ورق زبده
ويدخل فرن على 180 درجه ونتابعه علشان كل فرن يختلف عن غيره ونشغل الشوايه حاجه بسيطه ياخد لون دهبى بيقعد حوالى عشر دقايق
لما يخرج سبيه يبرد خالص ثم يوضع في وعاء ويغطى لكى يظل مقرمش لآخر بسكوته وبالف هنا
