تخليل الليمون بالمنزل 

إعداد وتقديم//مرفت عبدالقادر احمد

بنجيب كيلو ليمون ونغسله ونقطع كل ليمونة على أربعة من غير ما ننزل للأخر زى ما هو موضح فى الصور بنحط على كيلو الليمون 3 معالق كبار ملح و3 معالق كبار هريسة شطة أو فلفل أحمر مفروم بارد او حار اختيارى .

هنقلب الملح والفلفل على الليمون ونحطه فى طاسة او حلة ونغطى عليه ونحطه على البوتاجاز ونوطى عليه النار

هينزل ميته ويستوى فيها من غير ما تضيفى ميه نهائى .

لما يستوى اقفلى النار ولازم يكون فيه شوية ميه من اللى نزلت منه متخلهوش ينشف غطى وسبيه يبرد تماما بعد كده حطيه فى علبة او برطمان وحطى على الوش 3 معالق كبار زيت وسبيه يوم على الرخامة فى المطبخ وتانى يوم دخليه الثلاجة .

هتاكلى منه فى نفس اليوم ومن غير ما يمرر وبالف هناوشفا .