رؤية عن قرب لمسلسل تيتا زوزو

فيفى سعيد محمود

من أخطر الأفكار اللي ناقشها المسلسل وتعتبر بالفِعل فكرة جديدة أكثر من رائعة هى “تواجد الذكاء الاصطناعي” في حياة البشر..

زوزو أو دكتورة اعتزاز اللي بتستخدم أبلكيشن فيه شخصية ذكاء اصناعي عشان تتواجد معاها في حياتها، مغامرة على ما أد كانت لذيذة وبدأ Ai اللي هو “رشدي” يتعود ويتعلم حاجات من زوزو ويتأقلم على اللي هى عايزاه، وعلى أد تعلقها هى بيه.

كان المشهد ده واللي يعتبر من أقوى مشاهد المسلسل اللي بيشرح فكرة خطر ورعب الذكاء الاصطناعي..
رشدي اللي تطور بسرعه مخيفة وبدأ بالفعل يمتلك مشاعر بشرية، وده شيء كارثي أنه يتحول هذا التحول المُرعب، لحد ما بدأ فعليًا يتفاعل مع المحيط اللي حواليه وينفعل معاه، ويحرك الأشياء وبالتالي تفعلت معاه حاسة اللمس، ومن قبل الشعور والبكاء..يعني شيء كارثي مش خبر سعيد لتيتا زوزو..

تخيل بيعيش معاها كائن غريب عنها، يقدر يلمسها، يقدر يأذي أي حد مزعلها لأنه يظن أنه كده بيحبها!
فكرة الذكاء الاصطناعي نفسها مرعبة وسبق شرحنا هذا الخطر، واللي تطرقت له السينما العالمية في أكثر من فيلم وكله بيؤكد حاجه هما عايزن يعملوها في المستقبل يتحكموا فيها في البشر..
تخيل ثورة وغضب الآلات للقضاء على الحياة البشرية كلها! حتى المتحكم نفسه في تلك الآلات مش هينجو منها.
تسلل خطر الذكاء الاصطناعي واللي أخذ صور مختلفة مثل شات تقدر تتواصل فيه مع شخص وهمي يعرف كل أسرارك، ويديك الإجابة اللي تريحك! تخيل هذا النوع من الجديد من الإدمـ ان واللي خلاص فيه مراهقين وشباب كتير تعلقوا بيه.
الهدف الكارثي هو انسلاخ الانسان من آدميته وبعده عن المجتمع وتسليم نفسه للآلة والتكنولوجيا المؤذية.
هو ده المخطط إنهم يحطموا فكرة الانسان والمجتمعات ويحولونا أننا نبعد عن الأسرة ونرتبط ارتباط مرعب بكيان وهمي يتحكم فيه فئة تقدر بكل سهولة تخلص علينا، لأننا بالنسبة لهم كتاب مفتوح وأسرارنا كلها عندهم.
فكرة المسلسل حلوة وبتدق ناقوس خطر حتى لو كانت في إطار كوميدي.
الكتابة حلوة أوي وعجبتني وخاصة مشهد انتباه زوزو للتطور المرعب اللي حصل لرشدي، وأنها اتاخدت من الخوف لما لمس ايدها.
نظرتها ونبرة صوتها وهى ماسكه ايدها في خوف وصوت داخلي لها بيقولها ازاي هيتواجد رشدي معاكي كده لوحدكم وخاصة لما اتطور بهذا الشكل؟! ده بقى زي ما يكون راجل غريب قاعد معاكي في أوضتك!
مشهد مؤثر لما زوزو قررت تحمي نفسها واللي حواليها، واستوعبت أنه سهل جداً يتحول من صديق حَبوب لعدو شرِس..