إعداد وتقديم مرفت عبد القادر
مطبخ الصوت
المقادير :
رشة سكر .
كوب دقيق.
مايه معدنية او من الفلتر او ماء مغلى وتسيبيه بيرد خالص.
اولا نعرف أن الخميرة هى فطر نافع بتنشط عند درجة 35..وتموت لو الحرارة زادت بعد درجة ال 40.
علشان نبدا تصنيعها محتاجين :
برطمان معقم جيدا ويتقفل كويس جدا
وقلم عشان نعلم بية مستويات الارتفاع
لو ماء مغلى نسيب المية تبرد ( تكون دافئة).
فى البرطمان نحط الدقيق والسكر وشوية من الماء ونقلبهم كويس .
العجينة بتكون زى عجينة الزلابية
نقفل البرطمان كويس ونسيبه لتانى يوم بعد مايعدى عليها 24 ساعة فى نفس الميعاد .
نضيف شوية ماء وشوية دقيق ونقلب كمان وبرضه نخلى العجينة زى الاول .
ونكرر العملية دى لمدة 5 ايام ..اليوم الخامس هنلاحظ أن الخميرة بدأت تعمل فقاعات وحجمها تضاعف.
نستخدمها فى المخبوزات ( 4 معالق لكل كيلو دقيق ).
صلاحيتها تقريبا العمر كله كل ماتقرب تخلص نضيف حبة دقيق وحبة ماء ونقلبهم ونسيبهم ( وطبعا مش محتاجين نعمل الخطوات كلها ) بمجرد اننا نعمل كدة هاترجع تبقى خميرة تانى.
ملحوظة:
بلاش ماء من الحنفية علشان ماية الحنفية فيها كلور وهتبوظ معاك الخميرة.
