إعداد وتقديم مرفت عبد القادر
مطبخ الصوت
هنغسل البطاطس كويس قوي وبعد كده نقشرها.
هنجيب الماندولين ( مبشرة الشيبسي)
ونقطعه شرايح رفيعة ونحطه في الماء لمدة نص ساعة.
هنحط حلة فيها ماء وربع كوب خل علي النار تغلي.
بعد كده ننزل بالبطاطس لمدة أربع دقايق.
وبعد كده نطلعه ننشفه بفوطة بيضا نضيفة أو مناديل مطبخ.
أهم حاجه ننشفه كويس من الماء مايكونش فيه ماء خالص.
طاسة علي النار نحط فيها زيت أول ما يوصل لدرجة حرارة متوسطة ننزل بالبطاطس تستوي.
هنحط عليه الطعم اللي احنا عايزينه
فيه أنواع توابل لشيبسي جاهزة كتير
أو تجهزيها أنت عندك.
وبألف هنا.
