في وقت معين الإنسان بيحس إن جواه حاجه وقفت مش حب مش كره مش غضب حاجه أعمق من كده كأن النفس نفسها قالت كفاية وقالتها من غير صوت ومن غير ما تطلب إذن حتى من صاحبها اللحظة دي مش قرار لحظي دي نتيجة عمر كامل من المحاولات ناس كتير تفتكر إن النهاية بتكون بكلمه أو خناقة أو موقف واضح لكن الحقيقة إن في نهايات بتحصل جوا القلب قبل
ما تحصل برا بكتير نهايات بتيجي بعد صبر طويل وبعد أمل اتكسر عشرات المرات وبعد توقعات فضلنا نديها فرص أكتر مما تستحق.
ولما توصل للنقطة دي تحس إن مشاعرك اتبدلت فجأة بس هي ما اتبدلتش هي بس رجعت لحجمها الطبيعي رجعت من غير تضخيم من غير تعلق من غير خوف من الفقد اللي كنت شايفه مرعب طلع أهون من البقاء في نفس الدائرة وتبدأ تشوف نفسك بوضوح.
تشوف الأخطاء اللي كنت بتهرب منها وتشوف الحقيقة اللي كنت بتخدع قلبك علشان ما يشوفهاش وتشوف إنك طول الوقت كنت بتحاول تحافظ على حاجه مش متمسكة بيك أصلا وتلاقيك بتنسحب بصمت مش علشان ضعفت لكن لأن جوهك نقطة نهاية اتحفرت وما عادش ينفع تكمل بعدها ومن اللحظة دي تحترم نفسك أكتر وتختار راحتك قبل أي حاجه وتعرف إن خسارة نفسك أصعب.
ألف مرة من خسارة أي حد نقطة النهاية الداخليه مش وجع دي حريه وبداية طريق أصدق وأهدى وأخف عليك.
