كلمات
إبراهيم مجاهد صلاح
طاف العمر وأنا من الشوق ملهوف
أطرد سرابك.. لين تاهت يديني
يا غُربةٍ ما لـمّـها بـ الأمل جـوف
ويـا وحشةٍ تـسكن مـحاجر عيوني
مكفوف في غيـرك.. وبك ماني مكفوف
أشوفك أنـتِ.. يـوم أضـيـع بـ كـنيني
لا تـتركـيني للـمـقـاديـر والـظـوف
تكـفـيـن.. مـن بـرد انـتـظـاري خـذيـني
عزفت لك من نغمة الشوق معزوف
لين امتلى من عذب صوتي حنيني
أنا ذبـيحـك مـير ما يـلحقـك خـوف
دمّـي فـداك.. وذبـحتي في يـديـني
ما جيت أدور من بعد صدّك وقوف
جيتك أصون اللي بقى من ضنيني
يا وجهٍ أطهر من تـفاصيل ووصوف
يا كـل أشـيـائي.. وماضي سـنـيني
أنتِ الملاذ.. وآخر الدرب.. والـشوف
وأنتِ الذي.. بيني وبيني.. وبيني
ضاع العمر والقلب بالصدر مكتوف
إما احضنيني أو سريع اقتليني
