السيسي “فرعون حديث”.. معاريف العبرية تكشف كيف يعيد السيسي تشكيل سيناء وتفاصيل حلمه بتغيير العالم…

مقالة عبرية بتكسر كل القيود ورجعت للتاريخ والماضي والحاضر والمستقبل، مقالة فيها تفاصيل محتاجين نبص عليها، 3 دقائق من وقتك وتعالى نشوف

 المقالة طبعا ضد شخص الرئيس لكن من وجهة نظري فيها اعتراف وقلق وخوف منهم ازاي حصل تغيير قوي بقيادة السيسي، يعني بعض المداخل السلبية اللي بتكشف العكس…………. اللي عاوز الترجمة كاملة يبعتلي هبعتهاله لكن خلونا نلخص افضل 

صحيفة معاريف العبرية كتبت تحليل طويل عن الرئيس عبد الفتاح السيسي، ووصّفته إنه “فرعون جديد” بيغيّر معادلات في مصر والمنطقة. المقالة ركزت على أكتر من زاوية: 

🔹 بداية المقالة رجعت للتاريخ: مصر مش دولة دينية من أيام محمد علي، والجيش هو اللي ماسك السلطة من وقتها. السيسي امتداد للتقليد دا، إن الحكم عسكري والعلاقة مع الدين مجرد غطاء شكلي. 

🔹 معاريف قالت إن السيسي قضى على مشروع الإخوان اللي بدأ باغتيال السادات واتوسع في 2011 بدعم قطر وتركيا.

لكن في عام 2013 أزاحهم من الحكم، وأعاد الجيش للحكم زي ما عمل مع الملك فاروق قبل عقود. 

🔹 في سيناء، المقالة شرحت تفاصيل احداث كتيرة حصلت جوا سيناء وازاي السيسي قضى على الجماعات المسلحة بالتحالف مع البدو واختارت قبيلة الترابين مثالا وازاي الجيش نجح في “العملية الشاملة” في القضاء على دوـــاعش العصر 

🔹 معاريف عرضت إزاي السيسي بيحوّل ملفات شائكة لمكاسب سياسية زي مثلا:-

حصل على غواصات متقدمة “على حساب إسرائيل وأمنها”، وقالت إن الغواصات دي موجهة لتركيا مش لإسرائيل. 

🔹 الجزء الأخطر في المقالة كان عن سانت كاترين.. وفي كلام سخيف مش حابب اعرضه عليكم لكنهم برضو اشاروا للمشروعات الضخمة اللي حصلت هناك ……. 

الجزء دا مثلا اشادة قوية واعتراف رسمي…….

🔹 معاريف ربطت السيسي بسلسلة حكام مصر: عبد الناصر (تأميم القناة والسد العالي)، السادات (السلام واستعادة سيناء)، مبارك (الفساد والجيش في الاقتصاد). وقالت إن السيسي امتداد لهم: “فرعون ذو جذور”، لكنه بيشتغل بسرعة رهيبة علشان ينجز مشروع “مصر الجديدة” قبل 2030. 

🔹 المقالة ختمت بجملة قوية جدًا: السيسي “بلا دين”، فرعون جديد بيحسب كل شيء بمقياس مصلحة الدولة والجيش، مش الأديان أو الطوائف. ومع جيش ضخم وحديد، محدش – لا البدو ولا اليونان – يقدر يواجهه. 

📌معاريف بتشوف إن السيسي بيعيد إنتاج صورة الفرعون: 

حاكم عسكري قوي، 

بيمسك الدين من بعيد كأداة، 

دا بقى بعض الاقتباسات عبري وعربي للتوثيق من المقالة نفسها

🔹 “א-סיסי, פרעון חכם”

➡️ “السيسي، فرعون حكيم“.

🔹 “א-סיסי, פרעון חכם, הצליח להוציא צוללות מתקדמות על חשבון ישראל וביטחונה”

➡️ “السيسي، الفرعون الحكيم، نجح في الحصول على غواصات متقدمة على حساب إسرائيل وأمنها”. 

🔹 “א-סיסי ניצח את האחים המוסלמים ודאע”ש ובנה עיר בירה חדשה”

➡️ “السيسي انتصر على الإخوان وداعش وبنى عاصمة جديدة”. 

🔹 “א-סיסי, ששואף למצב את עצמו כפרעה שמשנה עולמות”

➡️ “السيسي يسعى أن يضع نفسه كفرعون يغيّر العوالم”. 

🔹 “א-סיסי, הוא פרעון עם שורשים… נאצר… סאדאת… מוברך…”

➡️ “السيسي فرعون ذو جذور، مثل ناصر، السادات، مبارك… كلهم عسكريون تحولوا رؤساء”. 

🔹 “לא-סיסי אין אלוהים. הוא הפָּרעון החדש של מצרים”

➡️ “السيسي بلا دين. هو الفرعون الجديد لمصر”. 

المقالة بتبين إن رؤية معاريف للسيسي مش بس كرئيس دولة، لكن كـ مشروع فرعوني حديث بيعيد رسم ملامح مصر، من القضاء على الجماعات المسلحة، لبناء عاصمة جديدة، للسيطرة على سيناء ومواقعها الدينية والاقتصادية.