في ناس شكلها عادي وتبان قويه ومتماسكه وما حدش يقدر يتخيل حجم الحرب اللي جوههم ولا المعارك اللي بيخوضوها كل يوم من غير ما ينطقوا بكلمه ولا يطلبوا مساعده من حد الناس دي اتعلمت تستحمل اتعلمت تمشي رغم التعب وتضحك رغم الوجع وتبان هاديه رغم ان قلبها مليان اصوات دول الناس اللي ما يحبوش يشيلوا حد همهم ولا يحبوا يقلقوا حد على حالهم وما
يعرفوش يقولوا تعبت ولا يعرفوا يشرحوا وجعهم لانهم مقتنعين ان الشكوى ما تنفعش وان الكلام ما هيحلش اللي انكسر جواهم
الناس دي كل يوم تصحى وهي لسه شايله امبارح وكل اللي قبله وكل اللي اتراكم وما اتقالش وكل اللي انسكت عليه وكل الخيبات اللي اتعدت كأنها ما حصلتش هي ناس تحب بجد وتخاف تزعل حد وتسامح بسرعه وتنسى اللي وجعها وتدي فرص اكتر مما تستحق
بس رغم طيبتهم في لحظه معينه يوصلوا لمرحله مش بيرجعوا بعدها لحد بيسيبوا اللي يؤذيهم ويتخلوا عن اللي ما قدرهمش ويرحلوا من غير ما يعملوا صوت لانهم اكتشفوا ان في ناس مش هتتغير وفي علاقات ما تستحملش قلب صادق وفي مواقف لازم تكون النهايه فيها أرحم من الاستمرار الناس اللي قلوبها تستحمل فوق طاقتها مش ضعيفه زي ما البعض يفكر بالعكس دي اقوى ناس
لانها بتواجه جروحها لوحدها وتضمد تعبها بنفَسها وتكمل الطريق وهي مجروحه من مية ناحيه وتفضل واقفه من غير ما تنهار
وفي لحظه معينه يعرفوا ان اللي يوجعهم مش لازم يكمل معاهم واللي يقلل منهم ما يستاهلش لحظه من روحهم واللي ما يعرفش قيمتهم ما يستحقش حتى وجودهم ساعتها يتغير كل شيء يخف الحمل اللي على القلب ويتنضف الطريق من الناس اللي وجعوا اكتر
ما افادوا ويرجع القلب يتنفس ويتربى جواه وعي جديد يخليه اقوى من قبل اقوى بدون قسوه واحن بدون ضعف واذكى بدون ما يفقد نقاوته يفضلوا اجمل ناس لانهم رغم كل التعب ما اتغيروش ما اتلوثوش ما بقوش قاسيين زي اللي كسرهم بالعكس بقوا اصفى وانقى واقدر انهم يحبوا صح ويختاروا صح ويحموا نفسهم من اللي ما يستحقهمش
