الوطن عظيم والله العظيم
الوطن عظيم والله العظيم
وطن كبير والله الكبير
في لاوطان ماعنده نظير
اتراب اوغيث والطامي شهير
وطن العز من ماضي قديم
اوياما فيه من خير اوخمير
يشغل في لاينه سقيم
ننظر فيه ف الخاطر كسير
بعيد السو رباي اليتيم
شفاه الله من الجرح الغوير
فيه ضناه كلتهم خصيم
لاخ اوخوه مازالو نجير
اوهم عايشين في وسط النعيم
مختلفين في خطة السير
لم الشمل في قلب الكريم
ينده بيه ماعنده ضمير
شباب اوشيب وطفال اوحريم
الي هالحين جاهلين المصير
أيدور السين موش لاقي الجيم
العاقل فيه ف الواقع ايحير
حتي كان في شعري غشيم
علي هاالوطن لانقاني انغير
مريض اوفيه كاسيني رديم
اوكبر اوصبر ع الظرف العسير
سكبت ادموع ف الليل البهيم
علي الضرير لايني ضرير
عاشق فيه في ترابه امقيم
رد اكفاه ويش نبي اندير
اوهذا حد تكوين الزعيم
اشوي شهيق اوشويت زفير
قرضت الشعر في نزلت الغيم
دعيت الله هو الحي القدير
عظيم الجاه حاياي الرميم
ايروق الوطن ويعاود ابخير
قبل انموت ونشوفه سليم
عين حسود ون شاءالله اطير
بقلم هاشم ابن علي
شريشره العوامي
