دافوس والحشد الأمريكى: الستارة التى تخفى إعادة ترما حدث فى دافوس ما لم يكن مؤتمر اقتصادى ده كان ستارة دخان أمريكا شغلت أوروبا بالهجوم والابتزاز ومجلس السلام الوطنى وفى نفس الوقت حرّكت قطع الشطرنج ناحية هدف أخطر إيران ترامب دخل دافوس بمنطق اللى إيده فى الميه مش زى اللي إيده فى النار وهدد أوروبا بجمارك وعقاب اقتصادي يخليهم يعدّوا النجوم الرسالة كانت واضحة تمشوا على مزاجى أو تشربوا المر ومن كيعانكم والمر هنا جرينلاند جزيرة تلج بقيمة ذهب قواعد عسكرية دفاع صاروخى سيطرة على ممرات القطب الشمالى ومنافسة مستقبلية لقناة السويس أوروبا لما الزنقة وصلت تفاوضت وترامب علّق الجمارك بعد تفاهمات مثمرة فى نفس الوقت أمريكا كانت بتحشد قوات ما بتحصلش غير قبل العمليات الكبيرة حاملات طائرات أسراب مقاتلات جسر جوى ضخم نقل قواعد الاشتباك من الأرض للبحر الخطة واضحة ضربات من الجو والبحر وتقليل أهداف سهلة لإيران ولو حصل رد الاتجاه ناحية إسرائيل وإسرائيل فى استنفار دفاع جوى شغال 24 ساعة تحركات غير طبيعية الصين دخلت على الخط وبعتت شحنات تقيلة لإيران دفاع جوي ورادارات وقدرات تشويش لأن اللي مالوش ضهر ينضرب على بطنه وإيران هى الضهر الصينى فى المنطقة سقوط إيران يساوى خنق نفطى وكسر توازن عالمي اللي بيحصل مش حرب تصريحات ده إعادة ترتيب عالم ترامب شتّت ضغط فاوض وحشد وأوروبا اتفرجت والشرق الأوسط على صفيح سخن والصين قالت أنا موجود الأيام الجاية مش سهلة واللي فاكرها هزار ما شافش آخرها اللي جاي طلـق حي
