مطبخ الصوت
متوفر نشادر عشان تعملي احسن بسكوت
قبل ما تبدأي في بسكوت النشادر لاااازم تاخدي بالك كويس أوي من الكام حاجه دول عشان يظبط معاكى
لازم تتأكدي من أن النشادر شغالة ومش بايظة و ده هتعرفيه لما تعملي التيست ده
رشة نشادر علي نقطه خل لو لاقيتيها فارت جامد جامد وريحتها قوية تبقا كدة شغالة وكويسه لو بايظة و مفيش فوران ظهر يبقى لازم ترميها علشان ما تخسريش باقي المكونات الغالية اللي جهزتيها
النشادر أساس هشاشه البسكوت
البسكوت لو هتشكليه بكيس الحلواني يبقى لازم لما تخلصي عجن تبدأي في التشكيل على طول علشان ما يطلعلوش عرق م ويبقى تقيل و ما يرضاش ينزل من القمع
لو هتشكليه بالماكينة لازم بقى يرتاح 10 دقايق علشان يكون عرق و يشد ويظبط نفسه في التشكيل و ده هتلاحظيه إن آخر حبة عجين أفضل من أول حبة عجين في التشكيل
لازم يكون فيه مسافه بين كل بسكوته والتانيه عشان البسكوت بيريح في الفرن وبينفش سيكا
البسكوت اللي بالبرتقال بنضيفله مياه غازيه بالبرتقال بيبقى أحلى
البسكوت اللي بالشيكولاتة بنشيل ١٠٠ جرام من كيلو الدقيق ونضيف بدالهم كاكاو خام نوع نضيف عشان بتفرق جداً في النتيجه النهائية
ياريت تشتري ميزان مطبخ لأنه هيوفر عليكي اللخبطة اللي بتحصل بسبب المعيار بالجم أو بالكوب
الفرن لازم يكون متسخن كويس جداً ما تدخلي صاجات البسكوت
دى مقادير 4 كيلو بسكوت نشادر بتاع أمهاتنا زمان
بسكوت نشادر خفيف وهش جدا
٤كيلو دقيق
٤معالق كبيره نشادر
٤معالق كبيره بيكنج بودر مش مليانه
٨٠٠جرام سمنه ٤ أكواب بمج الشاي
٢٠بيضه وفانليا
كيلو و٢٠٠جرام سكر بودره
٣كوبيات لبن دافى
وكل عام وانتم بخير
