بصواريخ محمولة على الكتف.. تفاصيل محاولة استهداف طائرة الرئيس عبد الفتاح السيسي

القبض على علي عبد الونيس كشف إنه كان جزء من مخطط خطير لاستهداف الطائرة الرئاسية نفسها… مش موكب ومش كمين لكن طائرة في الجو.

إحنا مش بنتكلم عن عملية عشوائية أو محاولة فردية.. إحنا بنتكلم عن سيناريو كان ممكن يغيّر شكل البلد بالكامل في لحظة واحدة.

الخطة ببساطة كانت استخدام صواريخ مضادة للطائرات “محمولة على الكتف” من طراز SAM-7 ودي أسلحة مش عادية، دي مصممة خصيصًا لإسقاط الطائرات على ارتفاعات منخفضة ومتوسطة يعني إحنا بنتكلم عن محاولة اغتيال مباشرة بأسلوب عسكري.

الأخطر بقى مش السلاح الأخطر هو “مين ورا العملية”.

الاعترافات كشفت إن التواصل كان جاي من الإرهابي الهارب يحيى موسى، واللي كان بيسأل بشكل مباشر: “اتدربت على الصواريخ المحمولة على الكتف ولا لأ؟”

والرد كان صادم… “أيوه اتدربت عليها في غزة.”

وده معناه إن العملية مكانتش فكرة طارئة دي كانت خطة متكاملة فيها تدريب وفيها تمويل وفيها إدارة من برّه مصر.

مش بس كده
التحقيقات كشفت إن عناصر التنظيم كانوا بيتدربوا في معسكرات خارجية، وإن فيه إشراف مباشر من قيادات هاربة وإن الهدف ماكنش بس الطائرة لكن سلسلة عمليات أكبر تستهدف شخصيات ومنشآت حيوية يعني محاولة لإعادة سيناريو الفوضى من جديد.

ولو رجعنا للتوقيت المخطط ده كان حوالين 2019 يعني في وقت كانت فيه الدولة بالفعل خارجة من موجة إرهاب عنيفة والتنظيمات بتحاول ترجع بأي شكل.

لكن اللي حصل فعليًا إن المحاولة اتكسرت قبل ما تبدأ.

إجراءات أمنية معلومات استباقية من الأمن الوطني تتبع للعناصر
خلّت المخطط كله يقع قبل ما يتحول لكارثة حقيقية.

الرسالة هنا واضحة جدًا:
اللي كان بيتخطط مش مجرد عملية
ده كان “ضربة رأس الدولة” ومراكزها الحيوية من شبكة مُتصلة من الحاقدين المخربين الطامعين في الدولة المصرية غير الراغبين في استقرارها بيحولوا بكل الطرق يخربوها.. ضربة كانت فعلًا مش هتتعافي منها

تخيل ارهابي في تركيا بيكلم ارهابي في دولة افريقية اتدرب على ايد ارهابيين في غزة على واحد من اسلحة الحرب التقيلة، علشان يدرب مجموعة من الارهابيين ال جايين من ليبيا، وهيتمركزوا في الصحراء الغربية لإغتيال رئيس مصر في وقت الدولة المصرية بتلم شتات نفسها وبتحاول تقف على رجليها بعد لما تكلبوا عليها هم هم، ومعاهم ناس تانية من دول تانية في الشرق والغرب.

والمثير إن بعد التشكيلة دي هم هم يقولولك انه مصر مش مستهدفة، ولا في خطر وانه اللي بيحصل لها بسبب الراجل اللي كانت طيارته هتنضرب، انا بس عاوزك تديها دقيقة تفكير..

حفظ_الله_مصر_وشعبها
كلنا_خلف_فخامة_الرئيس_عبدالفتاح_السيسي
صقور_رع_103