بيت مكشوف
واللمة فيه كانت أمان
والضحكة كانت بالأدان
الأب سايب حمله لمين
والأم تايهه بين الاتنين
والطفل واقف مستنين
حضن يلمه من الحنين
ولا بقى يعرف ينام
شايل جواه ألف انقسام
وبيكبر قبل الأوان
يضحك قدامنا تمثيل
وجواه هم تقيل تقيل
نفسه في يوم بس جميل
يشوف أبوه معاه في مكان
كبر الخلاف بين الكبار
والطفل ضاع وسط النار
لا هو مذنب لا هو اختار
بس اللي دفعه التمن كان
والحل مش بالصوت العالي
ولا بجرح ولا بليالي
الطفل محتاج قلب غالي
مش محتاج بيت وجدران
اقعدوا واتكلموا شوية
فكروا في روحه البريه
اللي اتكسرت من البداية
قبل ما تكسروا الإنسان
لو الحب بينكم مات خلاص
خلو الاحترام هو الأساس
والابن يعيش في أمان وخلاص
بدل ما يضيع في الحرمان
الأب ضهر مش بس اسم
والأم حضن مش بس رسم
والطفل مش لعبة في قسم
ولا ورقة في المحكمة بيان
بيت مفكك يولد خوف
وشاب تايه مكسور يشوف
العالم كله وشه عنيف
ويصدق إن القسوة أمان
لمّوا القلوب قبل الفوات
الجرح بيكبر مع السنين ساعات
والطفل لو ضاع في المتاهات
يرجع لمين بعد الأوان
