بين سقوط الكلام وارتفاع الحقيقة تلاقي نفسك واقف في منطقة رمادية لا هي نور ولا هي عتمة منطقة بتكتم النفس وتخلي الخطوة تقيلة والقلب مش عارف ينطق ولا يسكت وكأن كل كلمة كانت نفسك تقولها وقعت منك في لحظة ما كنتش مستعد لها وكل صرخة كبست عليها زمان رجعت تطلع دلوقتي بشكل أبشع وأقسى من اللي كنت متخيله وتحس انك محاصر مش بس من الناس ولكن
من نفسك من أفكارك من خوفك من وجعك اللي اتراكم فوق بعضه لحد ما بقى جبل واقف جوا صدرك وتسأل نفسك هو ليه الحقيقة ساعات بتوجع أكتر من الكذب ليه لما حد يكشف لك وشه الحقيقي تحس انك انت اللي اتعريت ليه لما تكتشف ان البعض ما كانش يحبك بقدر ما كان يحب وجودك تحس انك كنت مستخبي في دور وان الدور خلص وخد معاه نصف عمرك ليه لما تلاقي انك كنت
بتدي الأمان لناس كانت بتشيل في قلبها خناجر تحس ان الدنيا ضاقت عليك فجأة مع إنك ما عملتش غير انك صدقت وتفتكر لحظات كنت فاكر انك فيها قوي لحظات كنت بتقول فيها لنفسك انك مش هتتكسر مرة تانية وتكتشف انك كنت بتجامل روحك لأن أعنف الكسور بتيجي في اللحظات اللي نكون فاكرين فيها اننا بخير وتلاقي دماغك بتلف على كل تفاصيل اللي فات ندما حزنا خوفا
مشاعر كتير ملهاش اسم بس ليها ثقل بيشدك لتحت وتلاقي نفسك بتقاوم وبتغرق في نفس الوقت وبتضحك وبتعيط وبتسأل وبتسكت وكل حاجة بتحصل جواك في نفس الدقيقة ومع كل ده تلاقي الحقيقة واقفة قصدك زي جبل ما اتحركش ولا اهتز الحقيقة اللي عمرك ما حبيتها رغم إنها الوحيدة اللي ما خذلتكش الحقيقة اللي علمتك مين يستحق تبقى جنبه ومين يستحق تسيبه الحقيقة
اللي علمتك انك مهما كنت طيب لازم تحفظ حدودك ومهما كنت بتسامح لازم تفهم ان في ناس ما ينفعش تتواجد في حياتك حتى لو قلبك بيقول غير كده الحقيقة اللي فهمتك إن خسارة بعض البشر مكسب وإن البعد راحة وإن السكوت قوة وإنك مش محتاج تثبت لحد قيمتك لأن اللي ما شافهاش من البداية ما ينفعش تشيل هم إنه يفهمها دلوقتي وفي آخر الطريق تلاقي نفسك بتتنفس ببطء
بتفهم ببطء بترجع لنفسك ببطء بس بترجع بشكل تاني أعمق أقوى أنضج ويمكن أجمل لأنك خرجت من التجربة مش بنص قلبك لكن بقلب فاهم بقلب شايف بقلب عرف مكانه ومكان اللي حواليه بقلب مش بيخاف من الحقيقة لأنه داق مرّها وبلعها وطلع منها واقف
