لو حد قالك قبل كام سنة إنك هتشوف العالم كله بيتوحد ضد إسرائيل كنت قلتله انت بتحلم أو بتهزر بس اللي بيحصل دلوقتي ده مش حلم ده تاريخ بيتكتب قدام عينيك، ومش بالكلام ده بالأحداث والأفعال اللي شعوب الأرض كلها أصبحت متفقة عليها تقريبًا، بدايةً من كندا لـ إسبانيا ومن تركيا لـ كوريا ومن إيرلندا لـ بولندا.
خليني أحكيلك عن كام حاجة حصلت في الأيام والساعات اللي فاتت هتعرفك إزاي نهاية أسطورة إسرائيل اقتربت وأصبحت قاب قوسين أو أدنى وإن 2027 ممكن تبقى سنة السقوط وضروري تعمل شير لإن البوست ده مهم ومحتاج يوصل للعالم كله.
قصتنا بتبدأ في إسبانيا يوم الأحد 5 إبريل في بلدة صغيرة اسمها إل بورغو في مدينة ملقة الإسبانية في ليلة أحد القيامة بيتعمل كل سنة مهرجان اسمه مهرجان حــرق يهوذا المهرجان ده أصله بيعود.
لـ أربعينيات القرن الماضي، وإسمه بيعبر عن يهوذا الإسخريوطي تلميذ المسيح اللي خانه بحسب العقيدة المسيحية المهم إن التقليد في المهرجان ده بسيط السكان هناك بيعملوا كل سنة دمية كبيرة ليهوذا الاسخريوطي وبيختاروا لها وجه الشخصية الأكثر شرًا في خلال العام ده وبعدين يحرقوها وعارف الشرير اللي اختاروه السنة دي مين هو نتنياهو.
السكان الإسبان عملوا دمية 7 أمتار على شكله، وبعدين حشوها بـ 14 كيلو من المتفجرات وكتبوا على جسمها كل الجرائم اللي عملها النتن في غزة ولبنان وبعدين فجّروها في مشهد سينمائي مبهر وسط هتافات ما يقرب الـ 2000 متفرج .
طبعًا زي ما انت متوقع، المشهد اللي نقلته كاميرات الإعلام في العالم كله جنن إسرائيل لدرجة إنهم استدعوا القائم بأعمال سفارة إسبانيا لأنه مفيش سفير إسرائيلي في إسبانيا أصلًا عشان يوجهوله احتجاج رسمي على تصرفات الشعب الإسباني وفي موقع عبري وصف المشهد اللي حصل ده بإنه معاداة سامية تذكرنا بالعصور الوسطى وإنه نتيجة مباشرة لـتحريض منهجي من قبل حكومة بيدرو سانشيز.
أيوه بيدرو سانشيز رئيس الوزراء الإسباني اللي أقل ما يمكن وصفه به هو إنه راجل واللي قبلها بشوية كان رفض بشكل رسمي وقاطع إن أراضي أو أجواء إسبانيا تتحول لمنطلق لأي ضربات عسكرية ضد إيران وبسبب ده ترامب ثار عليه وغضب وهدد بإنه هيفرض على إسبانيا عقوبات وحرب اقتصادية.
يقوم سانشيز يعمل أيه يجيب ورا ويرضخ ويخاف ويرتعد زي ناس كده أنت عارفهم
عمل حاجة مذهلة قاله تمام خلاص ندور على شريك عسكري واقتصادي تاني غير أمريكا وبالفعل بعدها بكام ساعة سانشيز سافر لبكين عشان يعمل تحالف استراتيجي شامل مع الصين ومش بس كده بحسب تقرير لرويترز سانشيز في خلال فعالية في برشلونة يوم الجمعة اللي فات قال إن إسبانيا مستعدة للمضي قدما نحو إنشاء جيش أوروبي مشترك حتى إذا دعت إليه الضرورة غدًا وبعيد عن ترامب تمامًا.
وكلام سانشيز ده مش موقف منفرد رئيس الوزراء الكندي مارك كارني أعلن هو كمان في تصريحات صحفية من كام ساعة وفي وسط تصفيق حار من الشعب الكندي كله إن بلاده بصدد وقف استنزاف ميزانيتها الدفاعية لصالح الولايات المتحدة وإن عصر إرسال 70% من الإنفاق العسكري نحو واشنطن انتهي للأبد.
متخيل كندا الجار والصديق الأوفى لأمريكا اللي مفيش خلاف بينهم منذ أكثر قرن انقلبوا عليهم بسبب سياسات ترامب العدائية ودعمه الواسع لإسرائيل.
والموضوع مش واقف عند الغرب بس تركيا كمان صعدت خطابها مؤخرًا والمرة دي راحت لساحة أخطر بكتير القانون والملاحقة الجنائية الرسمية لأفراد حكومة الاحتلال من يومين كده بدأ تصعيد كبير جدًا وغير مسبوق بين الاحتلال وتركيا حمل معاه هجوم مباشر من مسؤولين إسرائيليين على الرئيس التركي رجب طيب أردوغان لدرجة إن إيتمار بن غفير شتمه بألفاظ نابية علنًا بالإنجليزي على منصة X في مشهد مذهل ومحصلش قبل كده بين البلدين .
عشان تركيا قبلها كانت عملت خطوة ضخمة جدًا وبردو محصلتش قبل كده في تاريخ العلاقات بينها وبين إسرائيل الادعاء العام في إسطنبول قدّم لائحة اتهام رسمية ضد 35 مسؤول إسرائيلي على رأسهم نتنياهو وبن غفير وغيرهم من الوزراء والقيادات واتهمهم بارتكاب إبادة جماعية وجرائم ضد الإنسانية والقضاء التركي بعدها فرض عليهم بالفعل عقوبات هائلة في تركيا بتوصل لأحكام مؤبدة وعقوبات سجن تراكمية مرعبة وصلت في بعض الحالات لما بين1102 و4596 سنة سجن والتصعيد موقفش هنا الخارجية التركية بعد قلة الأدب اللي عملها بن غفير من يومين على إكس أصدرت بيان عنيف جدًا وصل فيه التصعيد لدرجة إنه وصف نتنياهو بإنه هتـلر العصر وإنه مطلوب للعدالة الدولية وإنه بيحاول يقوّض مفاوضات السلام مع إيران علشان يهرب من مصيره وإن فشل مشروعه التوسعي ممكن يوديه السجن حتى داخل إسرائيل نفسها.
والمفاجأة إن الموجة المذهلة دي ما وقفتش عند الدول الإسلامية أو الأوروبية اللي أصلًا ليها احتكاك مباشر بالملف دي امتدت كمان حتى لدول أسيا وأوروبا الشرقية اللي تاريخيًا كانت بعيدة عن القصص دي خالص.
أول حاجة رئيس كوريا الجنوبية لي جاي ميونج نشر من كام تويتة هزت العالم كله التويتة دي قال فيها إنه شاف فيديو بيوثّق تنكيل جنود إسرائيليين بجثمان شهيد فلسطيني وبيرموه من فوق مبنى وشبه اللي الجنود الصهاينة دول عملوه بقضية تاريخية حساسة عندهم اسمها نساء المتعة العسكرية ولو متعرفش أيه قضية نساء المتعة العسكرية دي فخليني أقولك انها عبارة عن مأساة تاريخية حصلت ما بين كوريا واليابان أيام الحرب العالمية الثانية لما كان الجنود اليابانيين بيجبروا النساء الكوريات على العمل في الدعارة قسرًا، وبيعتدوا عليهم جنسيًا والموضوع ده كان وما زال نقطة سوداء في العلاقات التاريخية بين البلدين لدرجة إن اليابان قدمت اعتذار دبلوماسي رسمي لكوريا سنة 1992 عن ارتكابها للجرائم دي.
فـتخيل بقى لما رئيس وزراء كوريا الجنوبية نفسه يشبه اللي بيعمله الصهاينة في الفلسطينيين بوصمة تاريخية زي دي الموضوع كبير فوق ما انت متصور وكان كفيل يشعل أزمة دبلوماسية بين البلدين وعشان كده رد فعل إسرائيل كان سريع والصهاينة قعدوا يدافعوا عن نفسهم ويقولوا ان الفيديو قديم ومش حقيقي ومزور ومش عارف أيه بس الفكرة هنا إننا لأول مرة بنشوف الصهاينة في موقع اتهام أخلاقي تاريخي عند دولة مالهاش علاقة بالصراع أصلًافي بولندا كمان عضو البرلمان البولندي غريغورز براون من يومين قال في تصريحات رسمية أمام البرلمان البولندي نفسه كلام صادم وغير مسبوق في دولة زي بولندا بالذات قال نحن نتعرض للابتزاز بسبب الهولوكوست دعونا نقولها بصراحة إسرائيل دولة إرهــابيــة.
أنت متخيل أنا نفسي مش عارف أكتبها على الفيسبوك عشان الخوارزميات متمسحش البوست
فـمابالك بقى لما يقولها سياسي برلماني بولندي مش ناشط ولا صحفي ولا متظاهر في الشارع وفين في واحدة من أكتر الدول الحساسة للخطاب ده بالذات بسبب التاريخ ولسه عارف كمان أيه اللي حصل في إيرلندا أول امبارح مواطن إيرلندي عادي سنه تجاوز الـ 40 سنة أخد في إيده فأس وغفل الأمن ودخل مطار شانون في إيرلندا وطلع فوق طيارة نقل عسكري أمريكية من طراز C-130 وفضل يكسر فيها لحد ما اتمسك بعد ما سببلها أضرار ممكن تخرجها عن الخدمة مواطن عادي بفأس ضد القوة العسكرية الأمريكية ده مش جنون ده غضب حقيقي وصل للحد الأقصى وإنذار بإن العالم كله اتغير وانقلب على الصهاينة والأمريكان خلاص وده مش كلامي ده كلام الإعلام الإسرائيلي نفسه اللي بدأ يقول إن نتنياهو دلوقتي بيجيب نهاية إسرائيل وامبارح بعض وسائل الإعلام الإسرائيلية كتبت بالحرف حسب قناة الميادين نتنياهو جعل الإسرائيليين معزولين في العالم منبوذين ومهددين بدعاوى قضائية بتهمة ارتكاب جرائم حرب.
تصرفات نتنياهو تنذر بأمر خطير أنه أدمن الحروب ويضحي بالشعب اليهودي على مذبح نزوة الحكم والسلطة ركز في الجملة دي كويس بيضحي بالشعب اليهودي على مذبح السلطة يعني حتى من داخل إسرائيل في ناس بدأت تشوف إن الرجل ده ما بقاش بيدير دولة بل بيقودها ناحية الحفرة وهو عارف ومكمل ومش فارق معاه في النهاية حابب بس أقولك إن اللي بيحصل ده مش مجرد أزمة عابرة ومش موقف مؤقت ده تحول تاريخي حقيقي الصهيونية لسنين طويلة كانت سرطان والعالم كله كان بيصبر عليها أو بيتجاهلها أو خايف منها لكن دلوقتي كوكب الأرض بدأ مرحلة العلاج.
