حبيبتى ياوجه القمر
بدوّر عليكي بين السحابه والنجوم
تاه فـي الغيوم وجه القمر
عشقت السهر، ونسيم الليل بيشدّني
عشق القمر
وسط النجوم السهرانه واقف أنا
مستني يظهر القمر
لكنه غايب وسط السحابه والغيوم
غاب وجه القمر
واه مـن طول ليالي الشتـا لمّا تطول
وأنا قاعد هنا
مستني أنا، مستني طَلّه مـن القمر
ومهما طال وقت السهر
عشقت أنا الليل والسهر وقت السحر
وقت السكون
يبقى الهدوء، وألف نسمة جميلة
حلوة والقمر
قطرة ندى فوق الشجر
وصوت جميل بيغنّي فوق الشجر
عصفور وبلبل، وفجر صابح
يمحي الظلام
والشمس تشرق من غير كلام
تبعت دفَا
وبسرح أنا بين خيالي حبيبتي
وجه القمر
على لحن صافي وصوت بريء
بقول في غنوة بحبها
وخايف يا حبيبتي مـن الفراق
خايف تبعدي، منتي الحياة
لو قلتي إنك تبعدي
وإيه يكون طعم الحياة مـن غيرك؟
انتي مفيش حياة بعدك
تتوه كل المعاني
وتضيع معالم كل شيء
تبقى الحياة ملهاش وجود
جسد وعايش…
لكنه في الأصل مش موجود 🌙
بقلم
وليد جمال محمد عقل
(الشهير بوليد الجزار)
