خلطة جديدة لتنظيف البوتجاز من غير مايه ولا صابون ولا مواد مكلفة 

اعداد وتقديم مرفت عبد القادر 

مطبخ الصوت 

المقادير:

نص كيس ملح

كيس بينكج بودر

2 ليمونة

كوب خل

الطريقة:

ولعي الفرن خمس دقايق وعيون البوتجاز برضوا عشان تسخين البوتجاز بيساعد على ازالة الدهون في ثواني بعد كده اطفي الفرن والعيون ورشي الملح كله على البوتجاز بالعيون والبيكنج بودر نفس الكلام وهاتي الخل وحطيه في بخاخ ورشي البوتجاز كله بالعيون هاتي الليمون وقطعي نصفين اعصري الليمون على البوتجاز بالعيون بعد كده هاتي قشور الليمون ودعكي بيه عيون البوتجاز والبوتجاز كله افضلي بدلي في القشور لحد لما تلاقيها كلها دبلت خالص من الدعك هاتي الليفه مش سلك المواعين وادعكي بدون مايه ولا صابون سائل الخلطه اللي على البوتجاز فقط بعد كده هاتي فوطه مبلله امسحي البوتجاز كله بالعيون واشطفي الفوطة وارجعي امسحي لحد لما تلاقي الخلطة راحت كلها والبوتجاز بدء يلمع اركني الفوطة المبللة خلاص هاتي فوطه ناشفة جدا وابدئي لمعي في البوتجاز هيرجع كأنك لسه جايبه جديد

ملحوظة:

 الخلطه دي للبوتجاز كله من الخارج والداخل .