وجهت الدكتورة الاعلامية رحاب فارس عبر صفحتها الرسميةعلى موقع فيسبوك رسالة نارية الى ياسمين عز بعد هجومها على الفنان محمد صبحى حيث قالت :
” بتخاطبي الفنانين بأسمائهم المجرّدة: «يا محمد صبحي»، «يا ياسمين»، من غير أي ألقاب،
وبتقولي لفنان قدير: «عيب عليك» و*«الزم حدودك»*…
طيب اسمحيلي أسألك:
فين حدود الأدب والأخلاق والقيم اللي بتفرض احترام أصحاب القامة والقيمة، خصوصًا وإنك أصغر من أصغر أولاده؟
الإعلام، لو كان فعلًا رسالة، كان علّمك الحيادية، وسماع كل الأطراف قبل إطلاق الأحكام،
لكن بصراحة… مفيش ليكي أي مخرج غير إنك موجهة بشكل كبير.
عايزة اقولك انك انتي اللي ماغلوشتيش علينا بسردك عن السعودية والمسجد النبوي
أما الفنان العظيم، فعمره ما غلّط ولا أساء،
وحكاية «السواق» لا تُقارن بتاريخ طويل من الاحترام والالتزام.
خليكي في الفرعون الكبير الصغير… وده آخرك.
يا خسارة الإعلام “
