ساعته و تاريخه .. مسلسل اثارة الجدل قبل عرضه 

ساعته و تاريخه .. مسلسل اثارة الجدل قبل عرضه

متابعة ايهاب ثروت

اثار مسلسل ساعته و تاريخه حالة من الغضب فى عائلة نيرة اشرف حيث قالت شروق اشرف فى حديث خاص لشبكة الصوت الاخبارية ( المسلسل ده اتعمل ع اي اساس !!!!!

انتم عندكم علم ان نيره عاشت سنتين في رعب وخوف والم وكانت بتاخد مهدئات ومكنتش بتعرف تنام من القلق

وكمان ال 5 محاضر اللي عملناهم في القاهره والمحله

نيره كان ليها حق وهي عايشه قبل ماتروح بالطريقه دي ومخدتهوش

هل انتم اتكلمتو عن ده ؟؟؟؟؟؟؟!!!!!!!!

انتم عندكم علم احنا اتعذبنا قد اي عشان نبعد الواد ده عنها

كلمنا اهله كام مره عشان يبعده عن نيره عملنا محاضر في الاقسام واتبهدلنا واتمرمطنا

احنا بنحاول نتعايش ونتخطي اللي حصلنا والمسلسل ده هيرجعنا لنقطه الصفر تاني

ازاي مشاعر الناس عندكم ملهاش قيمه بالشكل ده !!!!!!!!!

معلش ممكن افهم ازااااااي من غير ماتاخدو رأينا او تكلمونا ولا هي الدينا سايبه ولا اي

علي فكرا سهل جدا نرفع عليكم قضيه ونوقف تصوير المسلسل ده من قبل مايبدا حتي )

كما صرحت هدير اشرف الاخت الاخرى لنيرة قائلة ( الله يرحمك يانيرة محدش حماكى محاضر وبلاغات واترمت ف الدرج وروحتى فيها يا قلب امك وانتى عايشة وكمان عاوزين يعملوا مسلسل عليكى لا رحموكى ميته ولا عايشة ياقهرة قلبى والله على شبابك والظلم اللى انظلمتيه قسما بالله نفسى القيامة تقوم أؤ أجيلك أنا مش عاوزه الدنيا كلها والله )

من جهة اخرى نفت الفنانة المصرية مايان السيد أن تكون تجسّد شخصية نيرة أشرف تحديدًا، ولكن شخصية شبيهة، مؤكدة أن دورها مستوحى من معاناة شريحة واسعة من الفتيات اللواتي تعرضن للعنف والتهديد، بهدف تسليط الضوء على قضايا اجتماعية أعم

و صرحت مايان السيد قائلة: لا أقدم دور نيرة أشرف، وإنما أؤدي شخصية نادية التي تمثل معاناة العديد من الفتيات اللواتي واجهن ظروفًا صعبة. الرسالة التي يقدمها العمل تهدف إلى تسليط الضوء على قضايا تخص النساء بشكل عام، وليس قضية واحدة فقط.

وأوضحت أن دورها في إحدى حلقات المسلسل، الذي يخرجه عمرو سلامة، لا يقتصر على تقديم شخصية بعينها، بل يعبّر عن قضايا اجتماعية وإنسانية شاملة. كما أكدت أن تناول التفاصيل الخاصة بأي ضحية يجب أن يتم من خلال عائلاتها، وليس عبر الأعمال الدرامية.