تُعد كفتة داود باشا من الأطباق الشرقية الشهيرة التي تجمع بين بساطة المكونات وغنى المذاق، وهي وجبة رئيسية محببة في البيوت المصرية والعربية، وتُقدم عادة بجانب الأرز الأبيض أو الخبز البلدي مع السلطة.
المكونات اللي هنحتاجها
نصف كيلو لحم مفروم متوسط الدهن
بصلة صغيرة مبشورة ومصفاة من الماء
ملح حسب الرغبة
نصف ملعقة صغيرة بهارات لحم
ملعقة كبيرة بقدونس مفروم (اختياري)
ملعقة كبيرة معجون طماطم
كوبان عصير طماطم
فصان ثوم مهروس
ملعقة صغيرة سكر
ورقة لورا
ملعقتان كبيرتان زيت
طريقة التحضير خطوة بخطوة
في بولة كبيرة نخلط اللحم المفروم مع البصل المتصفي والملح والفلفل والبهارات والبقدونس، ونعجنهم كويس بإيدينا لحد ما الخليط يتماسك ويبقى طري في نفس الوقت. بعد كده نشكل الكفتة كرات صغيرة بحجم مناسب.
نسخن الزيت في طاسة على نار متوسطة، وننزل كرات الكفتة تتحمر من كل الجوانب لحد ما تاخد لون دهبي خفيف، وبعدين نطلعها على جنب.
في نفس الطاسة نحط شوية بصل مفروم (لو حابة) ونشوحه، بعدها نضيف الثوم ومعجون الطماطم ونقلبهم شوية، ثم عصير الطماطم والملح والفلفل والسكر وورقة اللورا. نسيب الصلصة تغلي دقايق، وبعدها نرجع الكفتة تاني للطاسة ونوطي النار ونغطيها، ونسيبها حوالي 15–20 دقيقة لحد ما تستوي تمامًا وتتسبك الصلصة.
تتقدم سخنة مع أرز أبيض أو عيش بلدي، وبالهنا والشفا
