في مدن كتير بنعدي عليها ونفتكرها مجرد شوارع وبنايات وذكريات محفوظه على الهامش لكن في مدينه معين ما يعرفهاش غير اللي قلبه اتحرق واتطفى ورجع يولع من جديد مدينه ما فيهاش ضوء شمس يبان ولا غيطان تمتد للآخر ولا بحر يعانق المدى لكنها مدينه تتبني من نبض الناس اللي بيمشوا فيها مدينه تشبه باب اتفتح لحد كان فاقد الأمل وبمجرد ما دخل حس إن
الدنيا لسه فيها حاجه مستنياه مدينه مش مرسومه على خرائط ولا موجوده في كتب الجغرافيا لكنها تتولد جوا كل واحد فقد نفسه وبيدور عليها من تاني مدينه لما بتزورها بتحس إن الخطوات اللي انت ما كنتش فاهم ليه مشيت بيها طول عمرك كانت بتوديك للباب ده الباب اللي كل ما تقرب منه تسمع دقات قلبك بتعلى كأنها بتنده عليك وتقولك اتأخرت ليه في المدينه دي مفيش وقت بيتقاس
بالساعه ولا بالدقايق الوقت فيها بيتقاس بعدد المرات اللي وقفت فيها قدام نفسك ومقدرتش تكذب عليها بعدد المرات اللي قلت فيها كفاية وجواك صوت تاني قالك لسه بدري بعدد اللحظات اللي حسيت فيها إنك وقفت على الحافه وما وقعتش مع إنك كنت فاكر إنك انتهيت المدينه دي بتاخدك من إيدك مش علشان تمشيك لكن علشان تفكرك إنك لسه عايش وإنك مهما ضعت في طرق مالهاش
آخر هتلاقي طريق هنا يشبهك حتى لو انت نفسك ما كنتش فاهمك
والغريب إنك كل ما تغوص فيها أكتر تلاقي إنك بتتعرف على ملامحك اللي نسيتها من زمان تلاقي إنك بتتولد من جديد من غير ما تقصد تلاقي إن اللي كان موجعك بقى طريقك واللي كان بيكسر فيك بقى سبب إنك تقف أقوى واللي كان بيضيع منك بقى الدرس اللي خلاك تفهم إن الضياع أوقات مش نهايه الضياع أوقات بدايه
مدينه زي دي ما تتقفلش أبوابها ولا تتغير ملامحها لأنها مبنيه على حاجه محدش يعرف يهدمها مدينه مبنيه على روحك وفي اللحظه اللي تخرج منها هتعرف إنها عمرها ما كانت مكان تتزار مره وتتنسي دي مدينه بتفضل ماشيه معاك حتى وانت سايبها مدينه بتتنفس جواك كل ما الدنيا تدايق عليك وكل ما تحس إنك راجع لنفسك مره تانيه هتفهم إنك في الأصل ما خرجتش منها وإنها كانت جزء منك من زمان
