اعداد :فيفى سعيد محمود
قد يرى البعض الكثير من عمالة السينما المصرية تريند وله أدواره البارزة والتى تجعله نجم الشاشة والفتى الأول ولكنى أرى أن الفنان المبدع شكري سرحان أكتر فنان اندر ريتد في تاريخ مصر..
وهنلاقي فيه التراس لأحمد رمزي والتراس لرشدي أباظة… وقد يميل البعض لصلاح ذو الفقار .. لكن مبشوفش فيه اولتراس ليه.. رغم انه اكتر فنان عمل أفلام مهمة.. وأكتر فنان ليه أفلام بطولته في قائمة افضل 100 فيلم… بـ 16 فيلم.. متخيل الرقم..
فدور ه الشاب إمام في شباب امرأة.. واحد من أفضل أفلام صلاح أبو سيف.. فيلم ناضج في كل شئ .
أو دور أبو العلا في الزوجة التانيةولم يستطيع ممثل للآن أن يؤدى نفس الدور بهذه البراعة كما أداه .
أو دوره الرائع في فيلم البوسطجي.. أو رائعة قنديل أم هاشم ١٩٦٨..
وفى سنة 68 19عمل 3 أفلام كلهم في قائمة أفضل 100 فيلم وهم (المتمردون ١٩٦٨، البوسطجى ١٩٦٨، قنديل أم هاشم ١٩٦٨)..
في 1962.. عمل فيلمي يعتبروا علامة فارقة فى تاريخ السينما المصرية . اللص والكلاب ١٩٦٢، صراع الأبطال ١٩٦٢.. وكانا في قائمة أفضل 100 فيلم..
كل هذه الأفلام لم يضع مكياج
فأدى دور الشرير ببراعة و رومانسي وجان بأسلوب راقى .. متعلم ولبق وحورتجي ماشي.. فلاح وتلح وميعرفش الألف من كوز الدرة ماشي.. لديه القدرة الغريبة على لبس الشخصية وكأنه اتولد كدا..
يعني مثلا شوف سعيد مهران في اللص والكلاب.. وشوف ابو العلا في الزوجة التانية.. شخصيتين مختلفتين تماما..
بحبله قوي فيلم السفيرة عزيزة… واحد من الطف الافلام اللي مهما بتتعاد بشوفها تاني.. ورغم انه طار في اخر الفيلم على الج* زار طيرة مطارهاش سوبر مان في كل افلامه.. بس الفيلم دا لطيف قوي..
شكري سرحان أخو صلاح سرحان وسامي سرحان.. انت تعرفهم الاتنين.. صلاح سرحان اللي كان عامل دور اخو صالح سليم في الشموع السوداء.. ومات صغير بعد الفيلم علطول وحزن عليه شكري قوي وسماه ابنه صلاح على اسمه.. لكن صلاح ابن شكري سرحان برضه مات صغير بعد ما عانى من اكتئاب شديد..
التاني سامي سرحان اللي هو جد محيي الشرقاوي في فول الصين العظيم.. ووكيل الوزارة في فيلم الناظر .. وعايز امضتي يا سيدي.. ادي امضتي اهي.. اهي… سامي سرحان كان شقي جدا وهو صغير زي ما كان بيقول في فول الصين العظيم.. عم اشقية مصر.. ولما كان شاب ق** تلوا واحد هو وصحابه في ملهي ليلى وأخد 15 سنة سجن.. ويقال ان شكري قدم التماس لعبد الناصر بعد تكريمه في عيد الفن… وافرج عن سامي بعد 10 سنين.. وشكري قدم قصتهم في فيلم اسمه احنا التلامذة.
شكري اتجوز في حياته مرتين.. الاولى من واحدة ارمينية اسمها هيرمين.. واعتزلت الفن.. بس الاتنين متوفقوش… وانفصلوا وعاش فترة كدا حزين وزعلان.. لحد ما اتجوز من السيدة نرمين عوف.. وخلف منها صلاح ويحيى.. بس قبل جوازه من نرمين بمفيش مات اخوه صلاح… شكري سرحان سمى ابنه يحيى لان وقت ولادة ابنه كان الشيخ محمد رفعت بيقرا قوله تعالى “يا زكريا إنا نبشرك بغلام اسمه يحيى”… فقال دي بشارة.
في اخر فترة من حياته كان معتكف طول الوقت، ولقبوه وقتها بعاشق القران.. ومات في هدوء في سنة 1997..
