طريقة عمل بوريك الجبنة 

إعداد وتقديم مرفت عبد القادر 

مطبخ الصوت

المقادير :

5كوب دقيق .

2 م.ك صلصة .

3 م.ص خميرة .

نص كوب لبن .

مية للعجن .

نص كوب زيت.

1م.ص ملح …… 3 م.ك زبادي .

1 م.ص سكر …… بيضة .

الحشو جبنة براميلي.

الوجه ….. زبادى … حبة بركة.

الطريقة:

فى بولة مناسبة نخلط كل المقادير الجافة مع بعض ونقلبهم كويس .

نضيف الزيت علي خليط الدقيق ونقلبهم كويس .

ونضيف عليهم الزبادى واللبن والصلصة والبيض ونقلبهم.

نضيف المية واحدة واحدة ونعجن.

لما العجينة تتلم معانا نكمل العجن لمدة 5 دقايق تقريبا.

نقطع العجينة كرات بحجم مناسب متساو حسب الحجم المرغوب فيه.

نسيب الكرات ترتاح متغطية لمدة ربع ساعة تقريبا.

نحشيها بالجبنة ونشكلها .

نحطها فى صاج مدهون بالزيت .

ونسيبها تختمر نص ساعة تقريبا.

ندهن الوش زبادي ونرش حبة بركة أو من غير .

نسوى على حرارة 200 درجة لمدة ربع ساعه تقريبا .

وبالف هنا.