اخطر نقطة ممكن تتوه فبها نقطة اللاعودة أو اللاتوقف ،،،، يعنى لا عارف توقف وانت ماشى وسائق السيارة على سرعة كبيرة وعالية جدا ( خطر) ولا عارف تقلل السرعة وترجع للوراء زى الاول كما كنت من جديد انا بقى بسميها نقطة اللاعودة وهنا بتكون فى خطر كبير جدا جدا بتوقف كل حواسك بتبدا تندهش وتكون عاجز عن اتخاذ أى قرار بتحس بلخبطة غريبة فى حياتك بتكون مش عارف توجه الأمور للمسار الصحيح وتفضل مستغرب ازى وصلت للمرحلة دى بسرعة كبيرة وانت مش منتبه للخطر اللى انت رايح له ،،، نفس الشىء ببحدث معاك وانت فى طريقك وتقابل بعض البشر غير كل البشر اختلفوا تماما عن كل من حوالك فى عز الزحام وفى عز انشغالك يجبرونك على الالتفات لهم من جديد تشوفهم بعين مختلفة، تقبلهم بكل تفاصيلها تكسر معاهم كل القيود والأعراف والتقاليد تكون مش قادر تتخطاهم وتكمل المشوار من غيرهم.
مرحلة صعبة جدا جدا وصلت لمرحلة الخطر فى العلاقات الإنسانية بالتأكيد. فى اللحظة دى ما تقدر تعمل حاجة غير انك تسيب نفسك تسبح مع التيار وتسيب ربنا يدبرهالك مع التيار مش ضده.
أفلت زمام الأمور إلى يقينى وثقتى فى اختيارات الله وحسن تدابيره افففففف افففففف اففففف مرحلة اللاعودة.
من ألذ واصعب لحظات الحياة واختيارتها تعيش فيها الحاجة وعكسها بنفس الوقت جنون المشاعر والاحساس بتكون مش عارف تعمل ايه لا تقرب ولا تبعد فى نفس الوقت كان الله فى عون كل من عاش ويعيش تلك المرحلة بالفعل.
إعانك الله على ضجيج قلبك وروحك وصمت الاحاسيس والأفكار والمشاعر الصادقة.
أفلت يدك فما من مفر ولا طريق للرجوع إلى الماضى من جديد .
فى التخلى تجلى وعوض الله تعالى اجمل واحلى بالتأكيد طبعا لان ربنا لما يريد يعوضك بيعوضك باللى يفوق توقعاتك بيعوضك باكثر من اللى راح منك بيعوضك بحياة كاملة بكل تفاصيلها أن الله لا يخلف وعده ابدا وفى المرحلة دى اليقين بعوض الله اهم شىء.
