إعداد وتقديم مرفت عبد القادر
مطبخ الصوت
كيلو قلقاس ويفضل واحدة كبيرة علشان تاخد نفس السوي ..
نغسل القلقاس بقشره ونسيبه لحد ما القشرة تنشف خالص من المايه.
نقشره ونقطعه مكعبات متوسطة ..
ننزل القلقاس فى شوربة مع مكعبات لحمة
مسلوقة ولازم الشوربة تكون بتغلى
علشان القلقاس مينزلش المادة الجيلاتينية
نحط فلفل اسود وبهارات وورق لورا وحبهان مطحون .
نجيب ربطة كزبرة وربطة سلق للكيلو ..
ناخد الورق بس من السلق والكزبرة ..
نغسلهم كويس ونصفيهم ونقطعهم
ونضربهم في الخلاط مع كوباية شوربة ..
نصفيه بمصفاة ضيقة ..
ناخد التفل اللي طلع ونحمره مع ملعقة توم وملعقتين سمنة ونضيف معلقة كزبرة ناشفة فى الاخر.
ننزل بماية السلق والكزبرة على القلقاس ..
اول ما يستوي ننزل بالخضرة بعد تحميرها.
وبالف هنا.
