إعداد وتقديم مرفت عبد القادر
مطبخ الصوت
المقادير:
2 كوب سميد بسبوسة (خشن شوية مش ناعم قوي)
¾ كوب سكر
¾ كوب سمنة سايحة (تكون سخنة شوية)
¾ كوب زبادي (أو حليب رايب)
½ ملعقة صغيرة بيكنج بودر
رشة فانيليا أو بشر برتقال (اختياري)
رشة ملح.
للسيرب (الشربات):
2 كوب سكر
1 ½ كوب ماء
عصير نصف ليمونة
فانيليا أو ماء ورد حسب الرغبة.
طريقة التحضير:
تحضير السيرب:
في حلة على النار ضيفي السكر + الماء.
أول ما يبدأ يغلي ضيفي عصير الليمون.
سيبيه 10 دقايق على نار هادية لحد ما يتقل سنة.
بعد ما يبرد أضيفي الفانيليا أو ماء الورد.
تحضير خليط البسبوسة:
في بولة كبيرة حطي السميد + السكر + البيكنج بودر + رشة الملح.
ضيفي السمنة السايحة واخلطي لحد ما كل حباية سميد تتغلف بالسمنة.
ضيفي الزبادي وقلبي برفق لحد ما الخليط يتجانس (من غير عجن كتير عشان ما تبقاش ناشفة).
التسوية:
صبي الخليط في صينية مدهونة سمنة (ممكن تفرديها بإيدك مبلولة).
قطعي البسبوسة مربعات أو معينات وحطي على الوجه لوز أو فسدق لو حابة.
دخليها فرن سخن على 180 درجة لحد ما تحمر الأطراف والوش (حوالي 25–30 دقيقة).
إضافة السيرب:
أول ما تطلع سخنة من الفرن، اسقيها بالسيرب الدافى.
غطيها 10 دقايق عشان تشرب كويس وتبقى مرملة وطرية.
وبألف هنا.
