إعداد وتقديم مرفت عبد القادر
مطبخ الصوت
المقادير:
لتر ونصف ماء
كوب دقيق
كوب سكر
ملعقة كبيرة ماء ورد أو زهر
ملعقة صغيرة خميرة
ملعقة صغيرة سكر
كوب ماء دافئ.
الطريقة:
فى حلة نضع اللتر ونصف مايه والدقيق وكوب السكر وتقلب جيدا بالمضرب اليدوى ترفع الحلة على النار مع التقليب المستمر لحد ما تغلى جيدا كذا غلوه علشان الدقيق يستوى تترك لحد ما تبرد شوية .
نضع معلقة صغيرة خميرة ومعلقة صغيرة سكر فى كوب مايه دافئ ونترك الكوب 10 دقائق لحد ما الخميرة تنشط وتتخمر وتعمل فقاعات.
نضع كوب الخميرة على الحلة ونقلب ونغطيها ونتركها ساعتين ثلاثة لحد ما تتخمر هنلاقى البوظة بقى فيها فقاعات كده.
يبقى اتخمرت نضيف عليها ماء ورد او زهر أو فانيليا حسب الرغبة نحطها فى كوبيات وممكن تزين بالقرفة أو المكسرات وممكن تتشرب سادة وممكن نضيف عليها الحليب أو فواكه حسب الرغبة طعمها جميل جدا وأكيد فى البيت انضف وكمان مش مكلفة وبألف هنا .
ملحوظة:
بعد ما تتخمر لازم تتشرب فى نفس اليوم ولو فاض توضع فى أكياس وتحفظ فى الفريزر ونطلع منها عند اللزوم علشان ما تتخمرش بزيادة وتتحول لمسكره.
