إعداد وتقديم//مرفت عبدالقادر
المقادير:
– 4 ونص كوب دقيق.
– كوب ونص مياه دافية.
– 4 معالق كبيرة زيت زيتون.
– معلقة ونص صغيرة عسل.
– 2 وتلت معلقة صغيرة ملح.
– 3 وتلت معلقة صغيرة خميرة جافة.
طريقة التحضير::
– دوبي العسل في الماية الدافئة وضيفي الخميرة وحركي وتسبيها 6 دقاق تتخمر.
– تجيبي طبق عجن غويط تخلطي الدقيق والملح وبعدين
تضيفي خليط الخميرة و3 معالق كبيرة زيت زيتون وتعجبني
لحد ما تلاقي العجين زي كورة لزجة كده.
– تسيبي العجينة نص دقيقةترتاح وتعجنيها تاني على سطح
مرشوش بشوية دقيق لمدة 6 دقايق اقل واجب.
– ادهني طبق واسع بمعلقة زيت وحطي العجينة فيه وحركيها لحد ماتتغطى بالزيت.
– حطي العجينة في كيس بلاستيك وفرغي الهوا منه واقفيه وحطيه في جو دافي لمدة ساعة وربع.
– اضغطي على العجينة لحد ما تهبط شوية وقسميها قطع حجمها متوسط بالسكينة.
– اعملي من كل قطعة كورة عجين وحطيها على سطح الرخامة
واضغطي عليها بايديكي وامسكيها العجينة ودحرجيها لحد ماتنعم.
– حطي كل قطعة في كيس بلاستيك ودخليهم التلاجة لمدة
24 ساعةوبعدين تخرجيه وتسيبيه يهدا ساعه قبل
ماتستخدميه في جو الاوضة.
– حطي قطعة العجين على الرخامة وافرديها، وبعدين حطيها في الصينية .
– حطي الصلصة فوق العجينة ووزعي عليها الخضار والزيتون والجبنة المزاريلا.
– حطي البيتزا على رف الفرن اللي في النص على درجة حرارة
180 لمدة 20 دقيقة لحد ماتستوي والجبنة تدوب.
نصائح:
– انخلي الدقيق كويس قبل ماتستخدميه.
– بلي ايدك بشوية مايه وانتي بتعجني.
– ممكن تحطي قطع العجين في الفريزر أسبوعين بس اهم
حاجة تكوني قافلة عليهم الكيس كويس ومفرغاه من الهوا.
– بلاش تبالغي في فرد العجينة عشان تستحمل المكونات اللي هتتحط عليها.
– ماتحطيش مكونات كتير لانها كده هتاخد وقت اطول على ما تستوي وممكن تتحرق منك كفايه 3 مكونات بس.
– عشان تخلي الجبنة تغطي البيتزا كلها وتمط معاكي هتجيبي
كباية لبن تغليها وتحطي عليها نص كباية جبن مزاريلا ونص
كباية جبن شيدر مبشوره عليهم معلقة دقيق صغيرة دايبة في شوية مياه وبعدين تحطيها على وش البيتزا.
