إعداد وتقديم مرفت عبد القادر
مطبخ الصوت
المقادير :
كوبين وربع دقيق
نص كوب سكر
معلقة صغيرة بيكنج بودر
نص كوب زيت أو ذبدة
نصف كوب نشا
ربع كوب حليب
بيضتين
فانيليا
رشة ملح
ممكن نضيف بشر برتقال او تانج برتقال او اي نكهات محببة.
الطريقة:
في الخلاط هننزل بالبيض والسكر والفانيليا والزيت ونضربهم لمدة خمس دقايق وفي طبق ننخل الدقيق ونضيف عليه النشا
والبيكنج بودر ورشة الملح ونقلبهم كويس وننزل بيهم تدريجيا على خليط البيض والسكر مننزلش بالدقيق مرة وحدة.
وبعد كدة نعجن كويس ونسيبو يرتاح لمدة ربع ساعة.
بعد كدة فى صينية مدهونة زيت ونكور البسكوت كور صغيرة ونرصها في الصينية ونبطها بايدينا كدة وبغطاء ازازة عادى جدا او كيس الحلوانى بقمع البيتفورنعلم بيها البسكوت زى ماهو ف الصورة ويخبز 15دقيقة بس في الفرن في الرف الاوسط ياخد لون وتسبيه يبرد
ولو عايزينة شيكولاته
نقسم العجين ونضع معلقيتن كاكاو. ومعلقتين لبن.
وبألف هنا
