إعداد وتقديم مرفت عبد القادر
مطبخ الصوت
المقادير :
نصف كيلو ترمس ده السريع .
ربع كيلو حمص.
2معلقة كبيرة ملح.
الطريقة:
هننقع الترمس والحمص كويس بعد ما ننزع منه اي شوائب لمده يوم كامل او على الأقل ست ساعات .
ثم يشطف جيدا ونضع عليه ماء يغطيه وعلي النار لما يغلي نخلي النار متوسطة
ونتركه يستوي حوالي ساعة الاربع علي حسب ما يستوي بعدها بنطفي النار ونتركه يهدي وبعدين نضع ملعقتين كبار ملح علي الترمس بماء السلق بتاعه منرمهوش ونقلب كويس عشان الملح يدوب وكده بعد ساعتين تاكلي منه .
واوعي تحطي ايدك فيه
في برطمان معقم ونظيف هنخلله وهيبقي تحفه ويعيش شهور علي المطبخ هنضع في البرطمان ملعقة بابريكا او شطة زي ماتحبي وخل وننزل بالترمس والماء الي اتسلق فيه لانه مغلي وهيحافظ علي الترمس مش هيريم بس يكون برد خالص واتاكدي ان الملح مظبوط في الماية يعني دوقيها وبعدين هتاكلي احلي ترمس ووقت الاكل
حطي في طبق من غير ماايدك تلمس الماية وحطي الليمون والكمون وبالهنا والشفا.
