إعداد وتقديم مرفت عبد القادر
مطبخ الصوت
المقادير:
لفة الجلاش الواحدة 500 جرام
نصف كوب سمنة
:التشريبة
كوب حليب
معلقتين كبار كاسترد او نصف باكيت كريم كراميل
معلقة كبيرة سمنة
معلقة كبيرة مش مليانة بيكنج بودر
للشربات :
كوبين سكر
كوب ماء
معلقتين عسل نحل او عسل جلوكوز (اختياري)
.عصرة ليمون
تحضير الشربات:
نخلط السكر والميه ونرفعهم علي النار واول مايغلو نعصر نصف ليمونة ونقلب ونسيبهم يغلو كمان خمس دقايق علي نار متوسطة وبعدين نخطه في حاجة خارجية ونسيبه يبرد تماماً.
الصينية متوسطة الحجم هتاخد لفتين جلاش تقريبا ولكن انا هديكم مقادير لفة واحدة لصينية صغيرة بناخد لفة الجلاش ونكشكشها زي المروحة اللي كنا بنعملها بالورق زمان ونرصها في الصينية جنب بعضها بنكشكشها زي ما انتو شايفين في الصور كده
وهنحتاج من نصف كوب لكوب من السمنة السايحة على حسب كمية الجولاش اللي هتحطوها ونسيح السمنة ونسقي الجلاش و نحاول نوصل السمنة للطبقات كلها ونفتح الكشكشة كده ندخل السمنة ما بين الطبقات المتكشكشة.
ده اسهل كتير من دهن الورق ورقة ورقة
ندخل صنية الجلاش الفرن على درجة حرارة 200 لحد لما تبتدي تحمر كده شوية وتبتدي تاخد لون كده من فوق .
ونخلط مكونات التشريبة مع بعضها ونشيلها على جنب.
نطلع الصينية ونسقيها بالتشريبة التشريبة ما بتتسخنش التشريبة بس بتتقلب مع بعضها وبنسقي بيها الجلاش وهو طالع من الفرن ونرجعه تاني جوه الفرن على نفس درجة الحرارة لحد لما ياخد لون ويحمر من فوق.
واول ماتطلع وهي سخنه بنسقيها بالشربات البارد اللي حصرناه تقيل وبارد( الجلاش سخن والشربات بارد).
