مطبخ الصوت
المقادير :
1 لفة جلاش
½ كوب سمن سايح
للكريمة الكدابة:
2 كوب لبن
2 ملعقة كبيرة نشا
2 ملعقة كبيرة دقيق
3 ملعقة كبيرة سكر
1 ملعقة صغيرة فانيليا.
للشربات:
1 كوب سكر
½ كوب ماء
عصرة ليمونة
فانيليا (اختياري).
الطريقة :
الكريمة :
نخلط اللبن + النشا + الدقيق + السكر كويس.
نرفعهم على نار متوسطة مع التقليب المستمر لحد ما تقيلة.
نطفي النار ونضيف الفانيليا ونسيبها تهدى.
تجهيز الصينية:
ندهن الصينية سمن.
نفرد 3 ورقات جلاش وندهن بينهم سمن.
نفرد طبقة كريمة.
نكرر (3 ورق + كريمة) لحد ما نخلص.
نختم بطبقة جلاش وندهن الوش سمن كويس.
التقطيع:
نقطع الجلاش مربعات بسكينة حادة قبل الفرن.
التسوية:
يدخل فرن 180° من 25 لـ 30 دقيقة لحد ما يتحمر دهبي.
الشربات:
نغلي السكر والمياه 7–10 دقايق.
نضيف الليمون والفانيليا ونسيبه يبرد.
التشريب:
الجلاش سخن + الشربات بارد.
نسيبه يشرب ويهدى.
