إعداد وتقديم مرفت عبد القادر
مطبخ الصوت
المقادير:
ب 3 مكونات فقط .
ربع كوب سكر بودر.
ربع كوب لبن بودر.
ربع كوب طحينة.
مكسرات حسب الرغبه اي نوع .
الطريقة :
في طبق عميق انخلي السكر البودرة واللبن البودر وضيفي عليهم فانليا وذرة ملح صغيرة قلبي كل المكونات .
ضيفي عليهم طحينة واعجني أو افركي الطحينة مع باقي المكونات لحد ما تتكون معاكي فتافيت الحلاوة .
اختبريها بانك تجمعي قطعة بين ايدك و اضغطي عليه لو لاقتيها متماسكة تبقي ناجحة ولو لاقتيها لسه مفرولة زودي عليها ملعقة طحينة.
افرديها في علبة بها كيس أو ورقة زبدة
رصي فيها الحلاوة واضغطي عليها جيدا بايدك.
واتركيها في الثلاجة 4 ساعات
اقلبي العلبة هتلاقي احلي من الحلاوة الطحينية الجاهزة.
لو عايزة حلاوة طحينية بالشوكولاتة
ضيفي علي الخليط ملعقة كاكاو خام غير محلي وملعقة طحينة وبنفس الطريقة .
وبألف هنا.
