إعداد وتقديم مرفت عبد القادر
مطبخ الصوت
المقادير والطريقة:
اول حاجة بنجهز اوراك الفراخ بنخليها عند الفراججي.
بعد كده ينعمل تتبيله نتبله بيها وهي عبارة عن :
( حبة طماطم – حبة بصل – قرن فلفل – وفص ثوم) بنضربهم في الخلاط وبعد كده بنضيف التوابل الاتية:
( سبع بهارات فلفل اسود ورشة قرفة خفيفة ورشة ببريكا وملح ) وندهن بيه اوراك الفراخ كويس ونسيبها في التتبيلة لمده ساعة.
بعد كده نجهز خلطة الحشو
طاسة علي النار فيه زيت وسمنة ننزل بالرز نشوحه ونضيف بصلة مبشورة وحبة طماطم مبشورة ونضيف التوابل الاتية:
سبع بهارات وفلفل اسود وببريكا ورشة قرفة وبلح جوز الطيب وملح لو فيه كبدة نشوحه وبعد كده نضيفها علي الخلطة
بنحشي الوراك وبنقفلها بخلة ( خلة الاسنان) كويس ونرصه في صنية ونضيف الشوربة او ماء ونغطي الصنية بورق الومنيوم ونتركه ساعة الي ساعة وربع بعد كده نخرجه وندهنه كاتشب وتخش تاخد لون في الفرن.
وبألف هنا.
