إعداد وتقديم مرفت عبد القادر
مطبخ الصوت
المقادير :
– 2 كوب دقيق
– رشة ملح
– معلقة صغيرة سكر
– معلقة صغيرة سمن بلدي
– لبن رايب للعجن
الطريقة :
1- انزلي بكل المكونات في العجانة أو في طبق لو هتعجني بإيدك.
2- ضيفي اللبن الرايب بالتدريج لحد ما العجينة تلم معاكي وتبقى طرية وملساء.
3- سيبي العجينة ترتاح نص ساعة في طبق بلاستيك وغطيها بفوطة نظيفة.
4- كوري العجينة كور صغيرة لو عايزة الرقاق صغير، أو كبيرة لو عايزة رقاق كبير.
5- افردي الكور على سطح مرشوش دقيق، وخليها أسمك سنة من ورق السيجار.
6- سخني طاسة تيفال كبيرة، وجهزي جمبك قماشة مبلولة بمية.
7- حطي أول رقّاقة على الطاسة، وأول ما تلاقيها اتحركت واحمرت خفيف، قلبيها بسرعة.
8- بعد كل رقّاقتين، امسحي الطاسة بالقماشة المبلولة علشان ما تسخنش جامد.
9- لازم نخلي بالنا الرقاق ما يتحرقش، إحنا عايزينه طري ومرن.
10- أول ما تطلعي الرقاق، دخليه في كيس نايلون علشان يفضل طري ومرن.
11- قدّميه مع الفطار، أو اعملي بيه سندوتشات شاورما وبطاطس.
وبألف هنا .
