إعداد وتقديم مرفت عبد القادر
مطبخ الصوت
المقادير:
2 كوب دقيق
ذرة ملح
ملعقة صغيرة سكر
ملعقة صغيرة سمن بلدى
لبن رايب للعجن
الطريقة:
هنخلط كل المقادير فى العجان أو تعجنى بإيديك بإضافة اللبن الرايب لحد ماتلم معاكى العجينة هتغطيها وتتركيها
ترتاح لمدة نصف ساعة .
وبعد كده هتكوريها لكور صغير لو انتي عايزة الرقاق صغير لو عايزة كبير اعملى الكور كبيرة.
وتفرديها على سطح مرشوش دقيق المهم العجينة تكون رقيقة .
سخني طاسة تيفال كبيرة وخلى جمبك قماشة مبلولة.
حطى واحدة من اللى فردتيهم عليها وأول ماتلاقيها اتحركت احمرت بسيط اقلبيها خلي بالك مش بتاخد وقت خالص
الحتة المبلولة عشان بين كل رقاقتين بتحطيهم في الطاسة تمسح بيها عشان بتكون سخنة قوى واحنا مش عايزين الرقاق يتلسع مننا غطيه وبعدين حطيه في كيس عشان يفضل طرى.
وبألف هنا.
