طريقة عمل الرقاق الناشف لزوم الاكلات والعزومات
إعداد وتقديم //مرفت عبد القادر
مطبخ الصوت
المقادير:
4 كوب دقيق
كوب ونص مياه
معلقة صغيرة ملح
مفيش اسهل من كدة مقادير
هتجيبى طبق و هتنزلى بالمية وخلى ربع
كوب من مقدار المية على جنب ممكن
متحتجيهوش على حسب نوع الدقيق
لو احتجتيه ضفيه وحدة وحدة وتنزلى
بالملح تدوبيه كويس ف المية وتنزلى
بالدقيق بعد ما تنخليه طبعا وتعجنيهم كويس جدا .
وبعدها تقطعى العجينة كور صغيرة اكبر
من الليمونة بحاجة بسيطة المقدار دا
هيطلع معاكى 16 رقاقة بالظبط
وبعدها تفردى وحدة وحدة
و هنعمل الرقاق في الطاسة على النار علي البوتجاز من فوق
هنجيب اكبر طاسة عندنا وهنحطها
بالمقلوب على عين البوتاجاز من فوق بس
نار وسط وبعد ما تفردي الرقاقة تاخديها
وعلى الطاسة المقلوبة اللى على النار
هتلاقى الرقاقة بدا تظهر فيها فقعات
تروحى قلباها دقيقة وتشليها
ملحوظة هامة جدا:
تطلعى الرقاق بعد السوا على قماشة
ونضيفة طبعا دى اول حاجة
وتانى حاجة متحطيش الرقاق على بعضه
عشان مش يطرى منك وبالف هنا.
