إعداد وتقديم مرفت عبد القادر
مطبخ الصوت
المقادير :
2كيلو زيتون اسود تفاحي
كوب ملح رشيدي خشن او 2كوب ملح طعام عادي
كوب عصير ليمون
كوب خل
لتر محلول تخليل
عباره عن
لتر ماء مغلي
4معالق كبار ملح
معلقة كبيرة سكر.
الطريقة:
اول حاجة هنغسل الزيتون كويس جدا
هنضيفله الملح ونقلبه كويس ونغطيه بشاشة ونحط فوقيه اي تقل حلة مليانه مايه مثلا او طاجن فخار
ونسيبها 4ايام .
بعدين نجيب حله فيها مايه دافية وناخد الزيتون من الملح ننزله في المايه الدافية نشطفه من الملح ونصفيه وبكده هيكون جاهز للتخليل .
نجيب برطمان نحط الزيتون بتاعنا ونضيف كوب عصير الليمون.
وكوب الخل وننزل بالمحلول الملحي بتاع التخليل اللي هو عبارة عن لتر مايه مغلية نسيبها تبرد ونضيفلها الملح والسكر ننزل بيها علي الزبتون لغاية 3ارباع البرطمان ونكمل الباقي بزيت الزيتون لو متوافر عندك لو مفيش بزيت عادي.
وغطي بقي البرطمان واقفليه كويس وسيبيه افتحي عليه بعد 3اسابيع هيكون استوى .
وبألف هنا.
