المقادير:
4 كوبايات دقيق
كوبايتين سمنة باردة (من التلاجة)
كوباية سكر بودرة منخول
رشة فانيليا
الطريقة:
اضربي السمنة الباردة مع السكر البودرة كويس جداً لحد ما الخليط يبقى أبيض وكريمي زي القشطة.
ضيفي الفانيليا، وبعدين الدقيق بالتدريج ولمي العجينة بإيدك من غير عجن كتير.
دخلي العجينة التلاجة ترتاح نص ساعة عشان تعرفي تشكليها.
كوريها كور صغيرة خالص ورصيها في الصينية، وحطي في نص كل واحدة لوزة أو لولي.
الفرن لازم يكون هادي (درجة حرارة 140-150) لمدة 10 دقايق بس، هي مش بتاخد لون، لازم تفضل بيضاء.
سيبيها تبرد تماماً في الصينية عشان متتكسرش.
وبألف هنا.
