طريقة عمل القرص الطرية الفلاحي

إعداد وتقديم مرفت عبد القادر

مطبخ الصوت

المقادير:

كيلو دقيق
كوب سمنة او سمنة علي زيت.

كوبين لبن رايب أو زبادي او حليب
معلقة كبيرة خميرة
ربع كوب قشطة
3 معالق كبيرة سكر

معلقة خل

3 معالق سمسم للكيلو دقيق حسب الرغبة

نص معلقة صغيرة بيكنج بودر.

الطريقة:

هننخل الدقيق كويس جدا ونضيف عليه السمنة ونبسهم كويس مع بعض.

وبعدين نضيف باقي المكونات ورشة ملح بسيطة.

ونلم العجينة بس بأيدينا كدا ما نعجنش كتير عشان الجلوتين ما يشتغلش ويعمل عرق في العجينة

نتركها في مكان دافئ عشان تختمر.

بعدما حجمها يتضاعف وتخمر كويس نقطعها كرات متساوية ونبطهها علي شكل دائرة سمكها نص سم تقريبا.

ونسيبها تخمر مرة كمان وبعدين نخبزها.
علي حرارة 200 لحد ما تحمر من تحت نروح مولعين الشواية عشان تخمر من فوق.

ملحوظة:

الفرن لازم نولعه قبل ما نحط القرص يكون سخن جدا.

السر في أن القرص تطلع هشه ومش مكتومة هوا التخمير الجيد .