اعداد وتقديم/مرفت عبدالقادر
المقادير:
نص كيلو دقيق جميع الأغراض
معلقة كبيرة خميرة /نص معلقة بيكنج بودر/رشة ملح/نص كوب سمنة /ربع كوب زيت/كوب وربع لبن/نص كوب سكر.
طريقه التحضير :
الدقيق عليهم خميرة و بيكنج بودر ورشه ملح وقلبي كويس وانزلي ب السمنة والزيت وغلفي الدقيق ب السمنة والزيت كويس وبعدين السكر وعليهم البن واعجني انزلي ب كوب لبن الاول ولو احتجات انزلي ب ربع كوب الباقي.
وغطيها وسبيها تخمر لمدة ساعة
وبعد كده قطعيها قطع قد حجم البيضة وتسبيها ترتاح لمدة عشر دقايق وبعدين خدي قطعة العجينة اللي سبنها تخمر وابداي افرديها على شكالالقرصة وتكون مدورة وشكلها حلو وغطيها ب كيس وسبيها ترتاح لمدة 10دقايق ودخليها الفرن ف الرف الوسطني وتشغلي النار من تحت بس تخد لوان من تحت وتشغلي الشواية تخد لوان من الوش
واللي ب سكر وسمسم .
بتفردي قطعة عجينة وتحطي عليها معلقة سكر وتقفلها كويس جدا وبعدين تنزلي بيها مياه ب سكر وتخرجيها من المياه على السمسم على طول وتسبيها تخمر لمدة 10دقايق وتخبزيها برضو زي الاوله.
