طريقة عمل المكرونة المشكلة بالصلصة 

إعداد وتقديم مرفت عبد القادر 

مطبخ الصوت

المقادير:

حوالي نصف كيلو مكرونة مشكلة

اسباجتي ،خواتم ،ودعة

بصلة متوسطة مقطعة شرائح رفيعة

زيت

كوبين طماطم معصورة

ملعقتين صلصة

ملعقة كبيرة سكر

ملح ،فلفل اسود ،نصف ملعقة صغيرة كمون وكسبرة جافة.

الطريقة:

نسلق المكرونة لحد ما تستوي حوالي 9 دقائق وبعدين لما تستوي تصفي

من غير ماتشطف وننزل عليها بشوية زيت ونقلبها

في طاسة نضع زيت ويسخن جيدا ثم ننزل بالبصلة تحمر لما تاخد اللون الذهبي.

 ثم تنشل علي طبق وتفرد عشان تجف وتقرمش ولما تجف نفركها أو نفرمها بأيدينا

بالنسبة لمكان الزيت بتاع البصلة ننزل فيه بملعقة السكر ونقلب هتتكرمل

علي طول وهو ساخن ثم ننزل بعصير الطماطم.

 والصلصة وعليه البهارات والملح ثم ننزل بالبصل وتترك تغلي وتركز وتتقل

ثم نغرف المكرونة في أطباق التقديم وعليها الصلصة وبالف هنا .