إعداد وتقديم مرفت عبد القادر
مطبخ الصوت
أولا نعصج اللحمة : نشوح بصلة مقطعة صغير جدا وننزل عليها بنص كيلو لحمة مفرومة وعليها جوزة الطيب وفلفل اسود وبهار مشكل ونص كوباية عصير طماطم او معلقتين معجون طماطم ونقلب وفي الاخر نضيف الملح ونشيلها على جنب.
ثانيا الباشميل : 4 معالق زبده على النار وننزل عليهم ب4 معالق دقيق ونضربهم بالمضرب كويس لحد ما يتجانسوا وننزل عليهم بلتر حليب وكوب كريمة وحبة مرقة دجاج وفلفل اسود ورقة لورا ونقلبهم في بعض لحد ما تتقل خالص ونطفي عليه ونضيف عليه بيضتين ( مش بيضة واحدة ) ونقلبهم كويس في بعض.
نجيب البايركس ندهنه بشاميل وفي حلة المكرونة المسلوقة نضيف شوية بشاميل نقلبهم مع بعض ونرص طبقة مكرونة وعليها طبقة لحمة وعليها طبقة مكرونة وعليها في الاخر البشاميل وندخلها الفرن نص ساعة.
وبألف هنا.
