إعداد وتقديم مرفت عبد القادر
مطبخ الصوت
المقادير:
3 كوب حليب
3 ملعقة صغيرة نشا
3 ملعقة كبيرة سكر
كيس كريم شانتيه
كيس فانيليا
كوبين فراولة.
الطريقة:
نعصر الفراولة ونصفيها كويس ونشيلها علي جنب.
فى حلة نضع الحليب والنشا والسكر ونقلب على البارد ثم نرفعه على النار ونستمر فى التقليب لحد ما يغلى نتركه يبرد تماما ثم نضع الخليط فى الخلاط ونضيف كيس كريم شانتيه وكيس فانيليا والفراولة المعصورة ونخلط جيدا يبقى كده الايس كريم جاهز نضعه فى أكياس اللوليتا أو في علبة وندخله الفريزر لحد ما يتجمد ويقدم وده يبقى أيس كريم فراولة.
ممكن تضيفى فى الخلاط معلقة كاكاو بدل عصير الفراوله ويبقى ايس كريم شكولاته وممكن نضيف بودرة التانج بأى طعم وممكن نعمل نكهتين من الايس كريم فى الكيس يعنى اللى فى الصورة ده بنكهة التوت والاناناس ممكن تعملوا فانيليا مع شوكولاتة أو فانيليا مع مانجا أو فراولة شكلوا زى ما انتوا عايزين اهم حاجة اعملوا اساس الايس كريم وبعد كده اعملوا النكهات ال تحبوها .
وبألف هنا.
