مطبخ الصوت
المقادير:
نص كيلو دقيق (حوالي 3 ونص كوب)
رشة ملح
معلقة كبيرة سكر
معلقة كبيرة خميرة
معلقة كبيرة خل
بيضة
ربع كوب زيت
حوالي 3/4 كوب مية للعجن
200 جم زبدة (نوع فاخر زي أنكور) للتوريق.
الطريقة:
1. نعجن كل المكونات كويس لحد ما تبقى عجينة ناعمة ونسيبها تخمر ساعة.
2. نقسم العجينة لـ 7 كور.
3. نفرد أول كورة بسمك متوسط وندهنها زبدة، ونكرر نفس الخطوات مع باقي الكور.
4. ندخل العجينة في التلاجة نص ساعة عشان تبرد.
5. نطلعها ونفردها تاني رفيعة على قد ما نقدر.
6. نقطع مربعات (كبيرة أو ميني حسب ما تحبي) وممكن نحشيها جبنة أو سوسيس .
7. نرصها في صينية ونسيبها ترتاح نص ساعة كمان.
8. ندهن الوش بصفار بيضة + رشة نسكافيه .
9. تدخل فرن سخن على 190 درجة، رف أوسط حوالي ربع ساعة.
وبالف هنا.
