مطبخ الصوت
المقادير:
نصف كيلو سميد ناعم .
كوب سكر .
كوب زبادي .
كوب حليب .
نصف كوب سمنة سايحة .
ملعقة صغيرة بيكنج بودر .
رشة فانيليا .
حبة مانجو كبيرة (متقطعة مكعبات صغيرة للتزيين) .
للكريمة (الحشو):
2 كوب حليب .
3 ملاعق كبيرة نشا .
2 ملعقة كبيرة سكر (اختياري) .
ملعقة كبيرة كريمة شانتيه بودرة (اختياري) .
.
الطريقة:
تحضير الشربات: نفس طريقة البسبوسة السادة، وخليه دافئ.
تحضير الكريمة (الحشو): ذوبي النشا والسكر في الحليب على البارد، ارفعيه على النار وقلبي لحد ما يتقل. ضيفي كريمة الشانتيه والفانيليا وقلبي وسيبيه يبرد شوية.
تحضير البسبوسة: في طبق، اخلطي السميد والسكر والبيكنج بودر.
ضيفي السمنة وقلبيهم بالراحة، بعدين ضيفي الزبادي والحليب والفانيليا وقلبي لحد ما المكونات تختلط (متقلبش كتير) .
الخبز والحشو: صبي نص كمية خليط البسبوسة في صينية مدهونة.
دخليها الفرن لمدة 10 دقايق بس تاخد لون خفيف.
طلعيها من الفرن، افردي طبقة الكريمة في النص، وبعدين صبي باقي خليط البسبوسة بالراحة فوق الكريمة.
رجعيها الفرن تاني تكمل سواها لحد ما الوش يحمر .
أول ما تطلع من الفرن، اسقيها بالشربات الدافئ. سيبيها تبرد خالص.
زيني الوش بمكعبات المانجو الطازجة.
وبالف هنا.
