إعداد وتقديم مرفت عبد القادر
مطبخ الصوت
المقادير والطريقة:
نصف كيلو من الدقيق حوالي اربع كوبايات من ماج الشاي العادي و هتشيلي منه ملعقة و تعوضيها بالكاسترد و لو مش عندك كاسترد حطي بداله نشا .
ملعقة كبيرة من البيكنج باودر .
رشة ملح.
هاتي الخلاط بتاعك و حطي كباية من السكر.
كباية إلا ربع من خليط السمنة مع الزيت.
و كباية إلا ربع من عصير البرتقال و ممكن تعوضيهم باللبن الحليب .
و أضربيهم كويس جداً لحد ما السكر يدوب نهائي و ممكن تضربيهم بالمضرب اليدوي و تستخدمي سكر بودرة.
و دلوقتي أخلطي المكونات الجافة مع الخليط السائل.
و خلي بالك أن العجينه هتكون رطبه كده و سلسلة و هنشكلها بكيس الحلواني.
أهم حاجة تكوني داهنة الصاج بنقطة زيت
و هندخله الفرن سخن على درجة حرارة 180 و بعد 5 دقايق خلي درجة الحرارة 170 درجة لحد ما تلاقي البسكوت أخد اللون الذهبي .
وبألف هنا
