مطبخ الصوت
3 كوب دقيق (500 جرام)
معلقة كبيرة بيكنج بودر
كوب ونصف زبدة باردة (300 جرام)
ربع معلقة صغيرة ملح
كوب الا ربع سكر بودرة (150 جرام)
ربع معلقة صغيرة فانيليا
بيضتين بدرجة حرارة المطبخ.
الطريقة :
نخفق الزبدة والسكر البودرة لحد ما القوام بيبقا كريمي ونضيف بيضة ونضرب لحد ما تختفي ونضيف البيضة الثانية ونضيف الفانيليا ونخفق لحد ما الخليط يبقى كريمي.
– نخلط الدقيق مع البيكنج بودر والملح ونضيفيهم على الخليط
السابق ونقلب لحد مانحصل على عجينة طرية يادوب نلم العجينة وبلاش نعجن زيادة عن اللزوم..
نغطي العجينة وندخلها الثلاجة لمدة نصف ساعه ونطلعها نفردها بالنشابة بين ورقتين زبدة او فويل ونراعي إن سمك العجينة يكون متوسط يعني لا سميكة ولا رقيقة.
– نشكل العجينة بالقطاعات ونعمل الأشكال اللي نحبها ولو مفيش ممكن
ناخد قطعة من العجينة ونكورها ونضغط عليها بكف ايدينا.
– نرص قطع البسكويت في صينية مدهونة زيت او مبطنة بورق زبدة.
وندهن الوجه بياض بيض مع رشة فانيليا باستخدام الفرشاة ونرش فوقه حبيبات سكر.
– ندخله الفرن على درجة حرارة 180 لمدة 13-10 دقيقة لحد ما يحمر من تحت وبعدين نشغل الشواية من فوق عشان ياخد لون ذهبي فاتح.
وبعدين نطلعه وتسييه يبرد خالص ونحفظه في علبة مقفوله علشان
يحافظ على قرمشته..
وبألف هنا.
